மஞ்சள் காய்ச்சல் நோயும் தடுப்புமருந்தும்

மஞ்சள் காய்ச்சல் ஒரு குறிப்பிட்ட வகையான கொசுவால் பரப்பப்படும் வைரல் காய்ச்சல் ஆகும். டெங்குக் காய்ச்சல், சிக்கன்குனியா மற்றும் ஜிக்கா காய்ச்சலையும் பரப்பும் இந்தக் கொசு ஏடிஸ் ஏஜிப்தி என அழைக்கப்படுகிறது. இதன் ஆரம்பக் கட்டத்தில் இந்தக் காய்ச்சலை கண்டறிவது கடினம் ஆகும் ஏனெனில் இது மலேரியா கல்லீரல் அழற்சி நோய்களுடன் வைத்துக் குழப்பிக் கொள்ளப்படலாம். இந்த நோய்க்குப் பட்டியலிடப்பட்டுள்ள எந்த சிகிச்சையும் இல்லை. இருந்தாலும், அறிகுறிகளை நிர்வகித்து சிக்கல்களைக் கட்டுப்படுத்தினால் ஒருவருக்கு குணம் கிடைக்கலாம்.

மஞ்சள் காய்ச்சல் வைரசைக் கொண்டு செல்லும் கொசு கடிப்பதன் மூலம் மஞ்சள் காய்ச்சல் பரவுகிறது. இந்தக் கொசுக்கள் ஏடிஸ் மற்றும் ஹீமோகோகஸ் இனங்களைச் சார்ந்தவை. இவை காடுகள், அரைக் குடியிருப்பு பகுதிகள் மற்றும் நகர்ப்பகுதிகளில் பெருகுகின்றன. அங்கு இவை இந்த வைரஸை குரங்குகள், மனிதர்களுக்கு இடையில் அங்கும் இங்குமாகப் பரப்புகின்றன.

இந்த ஏடிஸ் ஏஜிப்தி கொசு இந்த வைரஸை மனிதர்கள் அல்லது குரங்களில் இருந்து பெறுகின்றன. அது தொற்றுள்ள ஒரு மனிதனை அல்லது குரங்கைக் கடிக்கும்போது, வைரசை எடுத்துச் சென்று, இன்னொரு மனிதனை அல்லது குரங்கை கடிக்கும் போது வைரஸைப் பரப்புகிறது. அந்த ஹோஸ்ட்டிற்கு வைரஸ் நோயை உண்டாக்குகிறது.

தொடுவதனாலோ அல்லது உடல் தொடர்பாலோ மஞ்சள் காய்ச்சல் பரவாது.

ஒரு ஹோஸ்டின் உடலில் மஞ்சள் காய்ச்சல் உருவாவதற்கு மூன்றில் இருந்து ஆறு நாட்கள் ஆகும். இந்தக் கால கட்டத்தில் அந்த நபருக்கு எந்த அறிகுறியும் இருக்காது. மூன்றில் இருந்து ஆறு நாட்களுக்குள், ஹோஸ்டுக்கு லேசான அறிகுறிகள் ஏற்படலாம்.

• காய்ச்சல்
• தலைவலி
• குமட்டல், பசியின்மை
• வாந்தி
• தசை வலி
• ஒளிக்கூச்சம்
• கண்கள், முகம், நாக்கில் சிவப்பு

இந்த அறிகுறிகள் பொதுவாக சில நாட்களுக்கு இருக்கும். சில நாட்களுக்குப் பின் அறிகுறிகள் திரும்பி வந்தால், இந்த நோய் நச்சு கட்டத்தை அடைகிறது என்று அர்த்தம் மேலும் இது உயிருக்கு ஆபத்தானது. கடுமையான நேர்வுகளில் இதனால் பின்வருபவை ஏற்படலாம்:

• கல்லீரல் மற்றும் சிறுநீரகச் செயலிழப்பு
• மூக்கும் வாய் மற்றும் கண்களில் இருந்து இரத்தம்
• மஞ்சள் காமாலை
• வயிற்று வலி மற்றும் வாந்தி, சில வேளைகளில் இரத்தத்துடன்
• மூளைச் செயலிழப்பு

பரவலாக நோயுள்ள மற்றும் மாறுநிலை கொண்ட பகுதிகளுக்குப் பயணம் செய்பவர்களுக்கு மஞ்சள் காய்ச்சல் தடுப்பு மருந்து பரிந்துரைக்கப்படுகிறது

ஒன்பது வயதுக்கு மேற்பட்ட குழந்தைகளுக்கு மஞ்சள் காய்ச்சல் தடுப்பு மருந்தை அளிக்கலாம்.

இருப்பினும், மேலும் தகவலுக்கு உங்கள் மருத்துவரைக் கலந்தாலோசிக்கவும்.

மஞ்சள் காய்ச்சல் தடுப்பு மருந்துடன் தொடர்புடைய சாத்தியமான பக்கவிளைவுகளில் காய்ச்சல், தசை வலி, ஊசி போட்ட இடத்தில் புண் அல்லது வீக்கம்.

பக்கவிளைவுகள் நீடித்தால் உங்கள் மருத்துவரைக் கலந்தாலோசிக்கவும்