ஜப்பானிய மூளையழற்சி நோய் மற்றும் தடுப்பு மருந்து

ஃபிளாவிவைரசால் ஏற்படும் ஒரு வைரல் தொற்றே ஜப்பானிய மூளையழற்சி ஆகும். இந்த வைரஸ் தொற்றுகொண்ட கொசுவால் கடிக்கப்படும்போது இந்த நோய் பரவுகிறது. ஃபிளாவிவைரஸைக் கொண்டிருக்கும் பன்றிகளும் பறவைகளுமே இந்தத் தொற்றுக்கான முதன்மை ஆதாரம். ஒரு தொற்றுள்ள விலங்கைக் கடிக்கும் கொசுக்களுக்குள் வைரஸ்கள் செல்கின்றன. இந்த நோயால் மூளை வீங்கும் அல்லது கடுமையான நேர்வுகளில் மூளை சேதமடைந்து நிரந்தர மூளை சேதாரத்துக்கு வழிகோலும். இந்த வைரஸைக் கொண்டுசெல்லும் கொசுக்கள் பரவலாக நகர்ப்புற மற்றும் கிராமப்புற வெப்பமண்டலப் பகுதிகளில் உள்ள சதுப்புநிலங்கள், பன்றிப் பண்ணைகள் மற்றும் நெல் வயல்களில் உற்பத்தியாகின்றன.

கடுமையான சிக்கல்கள் ஏற்படும் ஏறக்குறைய நான்கில் ஒருவர் இந்தத் தொற்றால் மரணம் அடைகின்றார்.

இந்த வைரல் நோய் விலங்குகளில் இருந்து மனிதனுக்கு கொசு மூலம் பரவுகிறது. இந்த வைரசைக் கொண்டு செல்லும் முதன்மைக் கேரியர்கள் பன்றிகளும் பறவைகளுமே. வைரசால் பாதிக்கப்பட்ட எந்த ஒரு விலங்கையோ அல்லது பறவையையோ கொசு கடிக்கும்போது வைரஸ் கொசுவுக்குள் செல்கிறது. இப்போது தொற்றுள்ள இந்தக் கொசு ஒரு மனிதனைக் கடிக்கும்போது வைரஸ் மனித உடலுக்குள் கடத்தப்பட்டு தொற்றை ஏற்படுத்துகிறது.

இது மனிதத் தொடர்பாலோ, பானம் அல்லது உணவைப் பகிர்வதாலோ பரவாது.

இந்த நோய்த்தொற்று ஏற்பட்டிருப்பவர்களில் தலைவலி குமட்டல் போன்ற எந்த ஓர் அறிகுறியோ அல்லது லேசான அறிகுறியோ இருக்காது. அறிகுறிகள் பெரும்பாலும் விஷக்காய்ச்சல் என தவறாகக் கருதப்படும்.

இருந்தாலும், ஜப்பானிய மூளையழற்சியால் பாதிக்கப்பட்டிருப்பவர்களில் ஒரு சிறு சதவீதம் பேருக்கு தொற்று மூளைக்கு பரவும்போது சிக்கல்கள் ஏற்படும். கடுமையான நிலையில் உள்ள ஒரு நபருக்கு அரிதாகப் பின்வருபவை ஏற்படலாம்:

• மூளை வீக்கம்
• அதிகக் காய்ச்சல்
• வலிப்பு
• தன்னிலையிழப்பு
• வாதம் அல்லது நடுக்கம்

கடுமையான சிக்கல்கள் கொண்ட ஒரு நபர் தப்பிப் பிழைத்தால், அவருக்கு நிரந்தர மூளைச் சேதம், ஒரு அல்லது இரு அவயவங்களில் வாதம், பலவீன தசை, வெட்டி இழுத்தல் போன்றவை ஏற்படலாம்.

இரண்டு மாதங்கள் மற்றும் அதற்கு மேற்பட்ட குழந்தைகள் ஜப்பானிய மூளையழற்சி தடுப்பு மருந்தைப் பெறலாம்.

இருப்பினும், மேலும் தகவலுக்கு உங்கள் மருத்துவரைக் கலந்தாலோசிக்கவும்.

தடுப்பு மருந்தை எடுத்துகொண்ட நபருக்கு லேசான, சற்று நேரமே நீடிக்கும் பின்வருவன போன்ற பக்க விளைவுகள் ஏற்படலாம்

• ஊசி போட இடத்தில் புண், வீக்கம் அல்லது சிவத்தல்
• தசைவலி
• தலைவலி

பக்கவிளைவுகள் நீடித்தால் உங்கள் மருத்துவரைக் கலந்தாலோசிக்கவும்.