ரூபெல்லா நோய் மற்றும் தடுப்பூசி

ஜெர்மன் தட்டம்மை என்றும் இது அழைக்கப்படுகிறது. ரூபெல்லா ஒரு பரவும் வைரஸ் தொற்று நோய். பெரும்பாலும் குழந்தைகள் மற்றும் இளைஞர்களுக்கு ஏற்படுகிறது. இது ஜெர்மன் தட்டம்மை என்று அழைக்கப்பட்டாலும், அம்மை நோயை விட வேறுபட்ட வைரஸால் ஏற்படுகிறது.

தடுப்பூசி மூலம் தடுக்கக்கூடிய பிறப்பு குறைபாடுகளுக்கு இது முக்கியக் காரணமாகும்.

பாதிக்கப்பட்ட ஒருவர் தும்மும் போதே இருமும் போதே காற்றில் பரவும் துளிகள் மூலமே ரூபெல்லா பெரும்பாலும் பரவுகிறது.

அது மட்டும் அல்லாமல், ரூபெல்லா நோய்த்தொற்று உள்ள கர்ப்பிணிப் பெண்கள் அதை உருவாகி வரும் தங்கள் குழந்தைகளுக்கு கடத்துவதாக தெரிகிறது.

இந்த நோய் பொதுவாக குழந்தைகளை லேசாகப் பாதிக்கிறது. அறிகுறிகள் பின்வருமாறு இருக்கும்:

• ஒரு சொறி, முகத்தில் தொடங்கி உடல் முழுவதும் பரவும்
• குறைந்த அளவுக் காய்ச்சல்
• தொண்டை வலி
• லேசான கண் தொற்று
• குமட்டல்

சில சற்று வயதான குழந்தைகள் மற்றும் பெரியவர்களுக்கு சொறி தோன்றுவதற்கு முன்பு தலைவலி மற்றும் பொதுவான அசௌகரியம் ஏற்படலாம்.

பாதிக்கப்பட்ட பெரியவர்கள், பெரும்பாலும் பெண்களுக்கு மூட்டுவலி அல்லது மூட்டழற்சி உருவாகலாம், இது சுமார் 3-10 நாட்கள் நீடிக்கும்.

சிக்கல்கள்
ரூபெல்லா தொற்று ஒரு கர்ப்பிணிப் பெண்ணுக்கு கருச்சிதைவு அல்லது வளரும் குழந்தைக்கு கடுமையான பிறப்பு குறைபாடுகள் போன்ற கடுமையான தீங்கை விளைவிக்கும். இது ரூபெல்லாவின் மிகவும் கடும் சிக்கலாகும்.

பிறவி ரூபெல்லா நோய்க்குறியும் (சிஆர்எஸ்) ரூபெல்லாவால் ஏற்படும் சிக்கலே.
சிஆர்எஸ் பாதிப்புக்குள்ளான குழந்தைகளுக்கு இது செவித்திறன்

குறைபாடுகள், கண் மற்றும் இதயத்தில் குறைபாடுகள் மற்றும் ஆட்டிசம், நீரிழிவு நோய், தைராய்டு செயலிழப்பு உள்ளிட்ட வாழ்நாள் முழுவதும் நீடிக்கும் குறைபாடுகள் கொண்ட சிக்கல்களை ஏற்படுத்தலாம்.

மேற்கூறியவற்றில் பலவற்றிற்கு சிகிச்சை, அறுவை சிகிச்சை மற்றும் பிற பராமரிப்பு அளிக்க அதிகச் செலவு ஏற்படும்.

குழந்தைகள் மூன்று டோஸ் போட்டுக்கொள்ள வேண்டும்:

• 9 மாதத்தில் முதல் டோஸ்
• 15 மாதத்தில் வயதில் 2வது டோஸ்
• 4 முதல் 6 ஆண்டுகளுக்குள் 3வது டோஸ்

3 வது டோஸ் முந்தைய டோஸுக்கு 8 வாரங்களுக்குப் பின்னர் எந்த நேரத்திலும் அளிக்கப்படலாம்.

கேட்சப் தடுப்பூசி:

• ரூபெல்லா தடுப்பூசி (எம்எம்ஆர் தடுப்பூசி) போட்டுக்கொள்ளாத பள்ளிசெல்லும் வயதுடைய குழந்தைகளுக்கும் வளரிளம் பருவத்தினர் அனைவருக்கும் 2 டோஸ் கொடுக்க வேண்டும்.
• அவர்களுக்கு ஒரு முறை தடுப்பூசி போடப்பட்டிருந்தால், ஒரே ஒரு டோஸ் மட்டுமே போட வேண்டும்
• 2 டோஸ்களுக்கு இடையிலான குறைந்தபட்ச இடைவெளி 4 வாரங்கள் இருக்க வேண்டும்

இருப்பினும், மேலும் தகவலுக்கு உங்கள் மருத்துவரைக் கலந்து ஆலோசிக்கவும்.

பெரும்பாலான குழந்தைகளுக்கு தடுப்பூசி போட்ட பின்னர் பக்க விளைவுகள் ஏற்படாது. பக்க விளைவுகள், ஏதேனும் இருந்தால், பெரும்பாலும் லேசானவையாகவும் பின்வருவனவற்றை உள்ளடக்கியும் இருக்கலாம்:

தடுப்பூசி போடப்பட்ட இடத்தில் புண், வீக்கம் அல்லது சிவப்பு

• காய்ச்சல்
• சிறு சொறி
• மூட்டுகளில் தற்காலிக வலி மற்றும் விறைப்பு

பக்க விளைவுகள் பற்றிய மேலும் விவரங்களுக்கு, உங்கள் மருத்துவரைக் கலந்து ஆலோசிக்கவும்.