கல்லீரல் அழற்சி பி நோய் மற்றும் தடுப்பூசி

ஹெப்படைடிஸ் பி என்பது ஹெப்படைடிஸ் பி வைரஸால் ஏற்படும் தொற்று நோய் ஆகும். இது கல்லீரலைப் பாதிக்கிறது மற்றும் கடுமையான (குறுகிய கால) அல்லது நாள்பட்ட (நீண்ட கால) நோயை ஏற்படுத்தலாம்.

குழந்தைகளிடையே நீண்டகால தொற்றுநோயை உருவாக்கும் ஆபத்து அதிகமாக உள்ளது. ஹெப்படைடிஸ் பி தொற்று உள்ள பெரியவர்களில் 2-6 சதவீதம் பேருக்கு மட்டுமே நீண்டகால நோயை அல்லது தொற்றுநோயை உருவாக்கும் அதே வேளையில், குழந்தைகளைப் பொறுத்தவரையில் இந்த எண்ணிக்கை 90% வரை அதிகமாக இருக்கலாம்.

பாதிக்கப்பட்ட அனைவருக்கும் அறிகுறிகள் இருப்பதில்லை என்றாலும், சிலருக்கு சிரோசிஸ் (நாள்பட்ட கல்லீரல் நோய்) மற்றும் கல்லீரல் புற்றுநோய் போன்ற கோளாறுகள் உருவாகலாம். இவை ஆபத்தானவை.

ஹெப்படைடிஸ் பி நோய்த்தொற்றின் ஆபத்து பிறப்பின்போதே தொடங்குகிறது. ஒருவர் ஹெப்படைடிஸ் பி நோயால் பாதிக்கப்படும் சில பொதுவான வழிகள்:

• பிறக்கும் போது பாதிக்கப்பட்டுள்ள தாயிடமிருந்து குழந்தைக்கு, (பெரினேட்டல் டிரான்ஸ்மிஷன்)
• பாதிக்கப்பட்டுள்ள ஒருவரின் இரத்தத்துடன் தொடர்பு ஏற்படுவதால்
• பாதிக்கப்பட்டுள்ள ஒருவரின் டூத்பிரஷ்கள் அல்லது கத்திகள் போன்றவற்றைப் பகிர்வதால்
• பகிரப்படும் ஊசிகள், சிரிஞ்ச்கள் மற்றும் பிற உபகரணங்கள்
• பாதிக்கப்பட்டுள்ள இணையர் மூலம் பாலியல் தொடர்பால்

தாய்ப்பாலூட்டுதல், கட்டிப்பிடித்தல், இருமல், தும்மல், கைகளைப் பிடித்தல் அல்லது பகிரப்பட்ட பாத்திரங்கள், உணவு அல்லது தண்ணீர் மூலம் வைரஸ் பரவாது.

நோய்த்தொற்றின் ஆரம்ப நாட்களில், ஒருவருக்கு எந்த அறிகுறியும் இருக்காது. கடுமையான நோய் உள்ளவர்களுக்கு இது போன்ற அறிகுறிகள் உருவாகலாம்:

• மஞ்சள் காமாலை (மஞ்சள் தோல் மற்றும் கண்கள்)
• வாந்தி
• வயிற்று வலி
• குமட்டல் (வயிற்றில் கோளாறு, வாந்தி எடுக்க வேண்டும் என்பது போல் உணர்வு)
• சோர்வு (அதிக சோர்வு அல்லதுகளைப்பு)
• அடர் சிறுநீர்

இந்த அறிகுறிகள் பல வாரங்களுக்கு நீடிக்கும். சில சந்தர்ப்பங்களில், கடுமையான ஹெப்படைடிஸால் பாதிக்கப்பட்டவர்களுக்கு கடுமையான கல்லீரல் செயலிழப்பு ஏற்படலாம். இது ஆபத்தானது.

ஹெப்படைடிஸ் பி தடுப்பூசி அட்டவணைகள் மிகவும் நெகிழ்வானவை, பல விருப்பங்களை வழங்குகின்றன.

இவற்றில் அடங்கும்:

பிறப்பு, 6 மற்றும் 14 வாரங்கள்

பிறப்பு, 6 வாரங்கள், 6 மாதங்கள்

பிறப்பு, 6 வாரங்கள், 10 வாரங்கள், 14 வாரங்கள்

ஹெப்படைடிஸ் பி தடுப்பூசிகள் தனித்தனியாகவோ அல்லது தொகுதியகவோ கிடைக்கின்றன. போடத் தவறினால், ஹெப்படைடிஸ் பிக்கான கேட்ச்சப் தடுப்பூசியை மருத்துவரின் ஆலோசனைப்படி எடுத்துக் கொள்ளலாம்.

இருப்பினும், மேலும் தகவலுக்கு உங்கள் மருத்துவரைக் கலந்தாலோசிக்கவும்

ஹெப்படைடிஸ் பி தடுப்பூசியுடன் தொடர்புடைய சில பொதுவான பாதகமான விளைவுகள், (இவை மட்டுமே அல்ல):

• தலைவலி
• காய்ச்சல்
• ஊசி போட்ட இடத்தில் சிவத்தல் அல்லது புண்

பக்க விளைவுகள் பற்றிய மேலும் விவரங்களுக்கு, உங்கள் மருத்துவரைk கலந்தாலோசிக்கவும்.