కలరా వ్యాధి మరియు టీకా

కలరా అను వ్యాధి తీవ్రమైన నీటి విరేచనాలకు దారితీసే అత్యంత హానికరమైన వ్యాధి

మలంతో కలుషితమైన ఆహారం మరియు నీటిని తీసుకోవడం ద్వారా వ్యాపించే తీవ్రమైన ప్రేగు సంక్రమణ వ్యాధి కలరా. కలరా సూక్ష్మక్రిమి (విబ్రియో కలరా) ఒక వ్యక్తి యొక్క ప్రేగులపై దాడి చేసి విరేచనాలు, వాంతులు కల్పించి ద్రవాలు కోల్పోయేలా చేస్తుంది. చికిత్స తీసుకోకపోతే ఈ వ్యాధి ఎంతో తీవ్రంగా మారి నిర్జలీకరణానికి కారణమవుతుంది మరియు షాక్ కల్పించి మరణానికి కూడా దారి తీస్తుంది.

మలంలో కనిపించే —విబ్రియో కలరా— అనే సూక్ష్మక్రిమితో కలుషితమైన ఆహారం లేదా నీరు తీసుకోవడం వలన కలరా వస్తుంది.

ఇది ఈ క్రింది మార్గాల్లో వ్యాపిస్తుంది:

• సంక్రమణం గల వ్యక్తి యొక్క మలమును (పూప్) తాకినప్పుడు.
• • మలం (సూక్ష్మక్రిమి-విబ్రియో కలరా)తో కలుషితమైన ఆహారం లేదా నీటిని మీరు తీసుకున్నప్పుడు.
• సరిగ్గా వండని లేదా పచ్చి షెల్‌ఫిష్‌ని తిన్నప్పుడు.

ఇది తరచుగా పట్టణ మురికివాడలు, శరణార్థి శిబిరాలు మరియు సరైన పారిశుద్ధ్య సౌకర్యాలు లేని పేద కాలనీలలో సంభవిస్తుంది.

సాధారణంగా కలరా వ్యాధి ఒక వ్యక్తి నుండి మరొక వ్యక్తికి నేరుగా వ్యాపించదు కానీ ఈ వ్యాధి సోకిన వ్యక్తి యొక్క మలాన్ని తాకడం ద్వారా వ్యాపిస్తుంది.

సాధారణంగా, కలుషితమైన ఆహారం లేదా నీటిని తీసుకున్న 12 గంటల నుంచి ఐదు రోజుల మధ్య ఈ లక్షణాలు కనిపిస్తాయి. సాధారణ లక్షణాలు:

• విపరీతమైన నీటి విరేచనాలు
• నిర్జలీకరణ
• వాంతులు
• వేగవంతంగా ద్రవాన్ని కోల్పోవడం
• కాళ్ళ తిమ్మిరి
• షాక్

తేలికపాటి విరేచనాలు మరియు నిర్జలీకరణతో ఈ లక్షణాలు సాధారణంగా తేలిక నుండి మధ్యస్థ స్థాయిలో కనిపిస్తాయి. తీవ్రమైన సందర్భాల్లో, రోగి ఈ క్రిందివాటిని కూడా అనుభవించవచ్చు:

• చక్కర స్థాయి తగ్గడం: తక్కువ చక్కర స్థాయి వలన అపస్మారక స్థితి లేదా మూర్ఛ ఏర్పడవచ్చు మరియు ఇది మరణానికి కూడా దారితీయవచ్చు కనుక దీని వలన పిల్లలకు ప్రమాదం ఎక్కువ.
• మూత్రపిండ వైఫల్యం: కలరా వ్యాధి వలన శరీరంలో ద్రవాలు మరియు వ్యర్థాలు పేరుకుపోవచ్చు మరియు ఇది ప్రాణాంతక సమస్యలకు దారితీస్తుంది.
• పొటాషియం స్థాయి తగ్గుట: కలరా వ్యాధి కారణంగా పొటాషియం వంటి ఖనిజాలతో సహా శరీర ద్రవాలు మరియు ఎలక్ట్రోలైట్‌లను వేగంగా కోల్పోతారు. పొటాషియం స్థాయి తక్కువగా ఉండటం వలన గుండె మరియు నరాల పనితీరు తగ్గిపోతుంది.

ఒక సంవత్సరం కంటే ఎక్కువ వయస్సు గల పిల్లలు కలరా టీకాను నోటి ద్వారా తీసుకోవచ్చు.

నోటి ద్వారా తీసుకొనే కలరా టీకాలు కనీసం రెండు వారాల వ్యవధిలో రెండు-మోతాదులలో ఇవ్వబడుతుంది.

ఏదేమైనప్పటికీ మరింత సమాచారం కొరకు మీ వైద్యుడిని సంప్రదించండి.

కలరా టీకా వలన కలిగే దుష్ప్రభావాలు:

• జ్వరం
• పొత్తి కడుపు నొప్పి
• వాంతులు
• దగ్గు
• దద్దుర్లు
• దురద
• బలహీనత
• తలతిరుగుట
• వికారం
• నోరు ఎండిపోవుట

అనేక దుష్ప్రభావాలు చాలా సాధారణం మరియు అవి కాలక్రమేణా మాయమవుతాయి. దుష్ప్రభావాలు చాలా కాలం ఉన్నట్లయితే, దయచేసి మీ వైద్యుడిని సంప్రదించండి.