न्यूमोकोकल लसीकरण (व्हॅक्सिनेशन)

स्ट्रेप्टोकोकस न्यूमोनिया बॅक्टेरियममुळे होणाऱ्या आजारांना साधारणपणे न्यूमोकोकल आजार असं संबोधलं जातं. ते न्यूमोनिया, सेप्टिसेमिया आणि मेनिन्जायटीस सारख्या गंभीर आजारांपासून ते कमी गंभीर, परंतु सायनुसायटिस आणि ओटायटीस मीडिया (मधल्या कानातील संसर्ग) सारख्या सामान्य संसर्गांपर्यंत असतात.

न्यूमोकोकल बॅक्टेरिया संसर्ग झालेल्या लोकांद्वारे त्यांच्या रेसपिरेटरी (श्वसनाचे) थेंब आणि लाळ किंवा म्यूकस सारख्या सिक्रिशन्स द्वारे पसरतात.

अनेक लोक, विशेषत: मुलं, बॅक्टेरियाचे (जीवाणूंचे) लक्षणं नसलेले कॅरिअर असतात आणि इतरांना हा आजार ट्रान्समिट करू शकतात.

न्यूमोकोकल आजाराची लक्षणं शरीराच्या संबंधित भागावर अवलंबून असतात आणि सौम्य ते गंभीर असू शकतात. लक्षणं खाली नमूद केल्याप्रमाणं संसर्गाच्या प्रकारावर देखील अवलंबून असतात परंतु ती एवढ्या पुरती मर्यादित नसतात:

न्यूमोनिया (फुफ्फुसाचा संसर्ग)

• ताप आणि थंडी वाजणं
• श्वास घेण्यास त्रास होणं किंवा लवकर लवकर श्वास घेणं
• खोकला येणं
• छातीत दुखणं

मेनिन्जायटीस (मेंदूचे अस्तर आणि पाठीचा कणा यांचा संसर्ग)

• मान ताठ होणं
• ताप डोकेदुखी
• प्रकाशाला संवेदनशीलता
• संभ्रमित अवस्था

बॅक्टेरेमिया (रक्तात संसर्ग)

• थंडी वाजणं
• ताप
• कमी झालेली सतर्कता

सेप्सिस (संसर्गास अति प्रतिसाद)

• विवंचना किंवा संभ्रम
• श्वासोच्छवास करतांना त्रास होणं
• ताप आणि थरथरणं
• तेलकट ओली, घामेजलेली त्वचा
• हृदयाची गती तीव्र होणं
• अतिशय वेदना किंवा अस्वस्थता

मधल्या कानाचा संसर्ग (ओटायटीस मीडिया)

• कानात दुखणं
• कानाचा पडदा लाल होणं, सुजणं
• ताप
• झोपाववंसं वाटणं

सायनसचा संसर्ग डोकेदुखी

• वाहतं किंवा भरलेलं नाक
• वास कमी जाणवणं
• चेहऱ्यावर वेदना किंवा दबाव
• पोस्टनेसल ड्रिप

न्यूमोकोकल आजारापासून बचाव करण्यासाठी न्यूमोकोकल लसीकरण (व्हॅक्सिनेशन) (व्हॅक्सिनेशन) हा एक प्रभावी मार्ग आहे.

आपल्या मुलाचा बचाव करण्याच्या किंवा संसर्ग पसरण्यापासून रोखण्यास मदत करण्याच्या इतर मार्गांमध्ये यांचा समावेश आहे:

• शिंकताना किंवा खोकताना तोंड झाकून ठेवणं
• नियमित हात धुणं
• स्तनपान करणं
• वातावरण धूरमुक्त ठेवणं

न्यूमोकोकल आजारांचं लसीकरण (व्हॅक्सिनेशन) ६ आठवड्यांपासून सुरू होतं.

भिन्न लसींच्या लसीकरणाचं वेळापत्रक निराळं असतं. अधिक माहितीसाठी कृपया आपल्या मुलाच्या डॉक्टरांचा (पेडिएट्रिशियनचा) सल्ला घ्या.

तथापि, अधिक माहितीसाठी आपल्या डॉक्टरांचा सल्ला घ्या.

कोणतेही लसीकरण (व्हॅक्सिनेशन) दिल्यावर, साइड इफेक्ट्स (दुष्परिणाम) होण्याची शक्यता असते आणि हे सहसा सौम्य असतात. त्यापैकी काही असे आहेत परंतु त्यापुरते मर्यादित नाहीत:

• लालसरपणा
• सूज येणं
• लसीकरणाच्या ठिकाणी हुळहुळेपणा
• ताप
• भूक न लागणं
• डोकेदुखी
• थंडी वाजणं

साइड इफेक्ट्स विषयी (दुष्परिणामांविषयी) अधिक माहितीसाठी, कृपया आपल्या डॉक्टरांचा सल्ला घ्या.