हिमोफिलस इन्फ्लूएन्झा टाइप बी (हिब)

हिमोफिलस इन्फ्लूएन्झा टाइप बी हा असा बॅक्टेरिया आहे, जो सौम्य ते गंभीर अशा विविध आक्रमक आजारांना कारणीभूत ठरू शकतो. हिबच्या संसर्गामुळे उद्भवू शकणाऱ्या काही सामान्य स्थिती खालीलप्रमाणे आहेत:

• कानातील संसर्ग
• ब्राँकायटिस (ब्रोन्कियल (श्वसनलिकेच्या) ट्यूबच्या अस्तरात इंफ्लाम्मेशन (दाह) होऊन खोकला,
• श्वास लागणं इत्यादी)
• बॅक्टेरियल मेनिन्जायटीस (पाठीचा कणा आणि मेंदूच्या संरक्षणात्मक मेंबरेनचा दाह)
• न्यूमोनिया
• मेंदूचं नुकसान
• रक्त, सांधे किंवा हाडांचा संसर्ग

जीवाणू एखाद्या व्यक्तीच्या नाकात आणि घशात असतात आणि लक्षणं दिसत नसली तरी सुद्धा ते कॅरिअर असू शकतात. संसर्ग झालेल्या व्यक्तीच्या शिंकण्यातून किंवा खोकल्यातून बॅक्टेरिया जाऊ शकतात. वाहकाशी जास्त काळ संपर्कात राहिल्याने सुद्धा संसर्गाचा धोका वाढू शकतो.

संसर्गाच्या गांभीर्यावर अवलंबून हिमोफिलस इन्फ्लूएन्झा टाइप बी बॅक्टेरियामुळे अनेक आजार आणि जटिलता होऊ शकतात.

उदाहरणार्थ:

न्यूमोनिया - हा एक अक्यूट रेसपिरेटरी संसर्ग आहे जो प्रामुख्याने फुफ्फुसांवर परिणाम करतो

• काही लक्षणांमध्ये यांचा समावेश असू शकतो:
• ताप आणि थंडी वाजणं
• खोकला येणं
• श्वास लागणं किंवा श्वास घेण्यास त्रास होणं
• घाम येणं
• छातीत दुखणं
• डोकेदुखी स्नायू दुखणं किंवा वेदना जाणवणं
• अतिशय थकवा जाणवणं

बॅक्टेरियल मेनिन्जायटीस - मेंदू आणि पाठीच्या कण्याच्या आजूबाजूच्या संरक्षक पडद्याचा हा इंफ्लाम्मेशन (दाह) आहे. ही एक गंभीर प्राणघातक स्थिती आहे ज्यामुळे कायमचं अपंगत्व येऊ शकतो किंवा मृत्यू होऊ शकतो

काही लक्षणांमध्ये यांचा समावेश असू शकतो:

• ताप
• डोकेदुखी
• ताठ मान
• मळमळ
• फोटोफोबिया (प्रकाशाची भीती किंवा संवेदनशीलता)
• संभ्रमाची स्थिती

रक्तप्रवाहातील संसर्ग - हे रक्तातील सूक्ष्मजीवांमुळे होणाऱ्या आजारांना दर्शवितं. काही लक्षणांमध्ये यांचा समावेश असू शकतो

• ताप आणि थंडी वाजणं
• अतिशय थकवा
• पोटात दुखणं
• उलट्या होऊन किंवा न करता मळमळणं
• डायर्हिया (अतिसार)
• काळजी करणं
• श्वास लागणं किंवा श्वास घेण्यास त्रास होणं
• बदललेली मानसिक स्थिती (संभ्रम)

मुलाच्या वयानुसार हिबच्या लसीकरणाचं वेळापत्रक बदलतं.

६ महिन्यांहून लहान: ३ प्राथमिक (कमीतकमी १ महिन्याचं अंतर ठेवून) आणि १६-१८ महिन्यांत १ बूस्टर.

६-१२ महिने : २ प्राथमिक (किमान १ महिन्याचं अंतर ठेवून) आणि १६-१८ महिन्यांनी १ बूस्टर.

१२-१५ महिने: १ डोस आणि त्यानंतर १६-१८ महिन्यांनी बूस्टर.

१५ महिने – ५ वर्षे: १ डोस पुरेसा असू शकतो.

हिब लसी स्वतंत्र किंवा कॉम्बिनेशन म्हणून उपलब्ध आहेत. निराळ्या लसींचं वेळापत्रक भिन्न असू शकतं, अधिक माहितीसाठी आपल्या मुलाच्या डॉक्टरांचा (पेडिएट्रिशियनचा) सल्ला घ्या.

तथापि, अधिक माहितीसाठी आपल्या डॉक्टरांचा सल्ला घ्या.

हिब लसीकरणाच्या (व्हॅक्सिनेशनच्या) काही साइड इफेक्ट्समध्ये (दुष्परिणामांमध्ये) यांचा समावेश आहे:

• शॉट दिलेल्या ठिकाणी लालसरपणा, गरमी किंवा सूज
• ताप

साइड इफेक्ट्सच्या विषयी (दुष्परिणामांविषयी) अधिक माहितीसाठी, कृपया आपल्या डॉक्टरांचा सल्ला घ्या.