ക്ഷയരോഗവും വാക്സിനേഷനും

മൈകോബാക്ടീരിയം ട്യൂബർകുലോസിസ് എന്ന ബാക്ടീരിയ മൂലമുണ്ടാകുന്ന അണുബാധയാണ് ക്ഷയരോഗം (ടിബി). ഇത് സാധാരണയായി ശ്വാസകോശത്തെ ബാധിക്കുകയും അവിടെ നിന്ന് മറ്റു ശരീരഭാഗങ്ങളിലേക്ക് എളുപ്പത്തിൽ വ്യാപിക്കുകയും ചെയ്യുന്നു, ഇത് നട്ടെല്ല്, വൃക്ക, തലച്ചോറ് എന്നിവയെയും ബാധിക്കുന്നു. ബാക്ടീരിയ ആരെയും ബാധിക്കാവുന്നതാണ് എന്നാൽ, രോഗലക്ഷണങ്ങൾ എല്ലാവരിലും പ്രകടമാകണമെന്നില്ല, പ്രത്യേകിച്ച് ശ്വാസകോശത്തിൽ അണുബാധയില്ലെങ്കിൽ.

ക്ഷയം (ടി ബി) വായുവിലൂടെ പകരുന്ന ഒരു രോഗമാണ്. ഒരാൾ ക്ഷയരോഗിയുമായി സമ്പർക്കം പുലർത്തുകയും അണുബാധയുള്ള വായു ശ്വസിക്കുകയും ചെയ്താൽ, അവർക്കും അണുബാധ അനുഭവപ്പെട്ടേക്കാം. ബാക്ടീരിയ ശരീരത്തിന്റെ പല ഭാഗങ്ങളെയും ബാധിക്കുമെങ്കിലും, രോഗം തൊണ്ടയിലോ ശ്വാസകോശത്തിലോ ഉണ്ടാകുമ്പോഴാണ് അത് പകർച്ചവ്യാധിയായി മാറുന്നത്.

ടിബി സ്പർശനത്തിലൂടെയോ ചർമ്മത്തിൽ നിന്ന് ചർമ്മത്തിലേക്കുള്ള സമ്പർക്കത്തിലൂടെയോ പടരുന്നില്ല. ഭക്ഷണമോ പാനീയമോ പങ്കുവയ്ക്കുകയും സ്പർശിക്കുകയും ചെയ്യുമ്പോൾ സാധാരണ ഗതിയിൽ രോഗം വ്യപിക്കുന്നില്ല. എന്നിരുന്നാലും, രോഗബാധിതനായ ഒരു രോഗിയുമായി സമയം ചെലവഴിക്കുന്നവരോ അല്ലെങ്കിൽ ഒരേ സ്ഥലത്തു താമസിക്കുകയോ ചെയ്യുന്ന ആളുകൾക്കാണ് ടിബി സാധാരണയായി ബാധിക്കുന്നത്

ക്ഷയരോഗവുമായി ബന്ധപ്പെട്ട ചില ലക്ഷണങ്ങളിൽ ഏറ്റവും സാധാരണയായത് ചുമയും നെഞ്ചുവേദനയുമാണ്. ഈ ലക്ഷണങ്ങൾ കൂടുതലും ബാധിക്കുന്നത് ശ്വാസകോശത്തിൽ അണുബാധയുള്ള രോഗികളെയാണ്. ക്ഷയരോഗത്തിന്റെ (ടി ബി) ചില പൊതുവായ ലക്ഷണങ്ങൾ:

• രക്തമോ കഫമോ പുറത്തുവരുന്ന തരത്തിലുള്ള ചുമ

• പനി

• തളർച്ച അല്ലെങ്കിൽ ബലഹീനത

• വിശപ്പില്ലായ്മ

• ശരീരഭാരം നഷ്ടപ്പെടുക

• ജനിച്ച ഉടൻ തന്നെ 1 മത് ഡോസ് നൽകേണ്ടതുണ്ട്.

• ക്യാച്ച്-അപ്പ് ഡോസ് 6 ആഴ്ച മുതൽ 4-5 വയസ്സ് വരെ എപ്പോൾ വേണമെങ്കിലും എടുക്കാം.

• കൂടുതൽ വിവരങ്ങൾക്കായി നിങ്ങളുടെ ഡോക്ടറുമായി ബന്ധപ്പെടുക.

• ബിസിജി വാക്സിനേഷനുമായി ബന്ധപ്പെട്ട് അധികമൊന്നും പ്രതികൂല പാർശ്വഫലങ്ങൾ ഉണ്ടാകാറില്ല. സാധാരണയായി കാണപ്പെടുന്ന മിക്ക പാർശ്വഫലങ്ങളും ചർമ്മവുമായി ബന്ധപ്പെട്ടതാണ്

• പാർശ്വഫലങ്ങൾ സംബന്ധിച്ച കൂടുതൽ വിവരങ്ങൾക്ക്, ദയവായി നിങ്ങളുടെ ഡോക്ടറുടെ ഉപദേശം തേടുക.