റോട്ടവൈറസ് വയറിളക്ക രോഗവും വാക്സിനേഷനും

അതെ, റോട്ടവൈറസ് വയറിളക്കം മറ്റ് തരത്തിലുള്ള വയറിളക്ക രോഗങ്ങളിൽ നിന്ന് വ്യത്യസ്തമാണ്. കുഞ്ഞിന് പനി, ഛർദ്ദി, കഠിനമായ വയറിളക്കം എന്നിവ അനുഭവപ്പെടാം. വയറിളക്കം ഒരു ദിവസം 15 തവണയിൽ കൂടുതൽ സംഭവിക്കുകയും 9 ദിവസം വരെ തുടരുകയും ചെയ്യാം. ഇത് ഗുരുതരമായ നിർജ്ജലീകരണത്തിലേക്ക് നയിക്കുന്നതിനാൽ പലപ്പോഴും ആശുപത്രിയിൽ പ്രവേശിപ്പിക്കേണ്ടത് ആവശ്യമായി വരുന്നു.

കണക്കുകൾ പ്രകാരം, റോട്ടാവൈറസ് വയറിളക്കം മൂലം ഇന്ത്യയിൽ പ്രതിവർഷം 8.7 ലക്ഷം പേർ ആശുപത്രിയിൽ പ്രവേശിപ്പിക്കപ്പെടുന്നു. അതായത് 31 കുട്ടികളിൽ 1 കുട്ടി വീതം റോട്ടവൈറസ് മൂലം ആശുപത്രിയിൽ പ്രവേശിപ്പിക്കപ്പെടാനുള്ള സാധ്യതയുണ്ട്.

ഇന്ത്യയിലെ കുട്ടികൾക്കിടയിൽ ഈ രോഗത്തിന്റെ ഏറ്റവും കൂടുതൽ അപകടസാധ്യതയുള്ള കാലഘട്ടമാണ് ജീവിതത്തിന്റെ ആദ്യ വർഷം. എന്റെ കുഞ്ഞിന്റെ ശുചിത്വത്തിൽ ഞാൻ വളരെയധികം ശ്രദ്ധിക്കാറുണ്ട്. എന്നിരുന്നാലും റോട്ടവൈറസ് വയറിളക്കത്തെക്കുറിച്ച് ഞാൻ ആശങ്കപ്പെടേണ്ടതുണ്ടോ?

- ഉണ്ട്. മെച്ചപ്പെട്ട ശുചിത്വവും ശുചീകരണ നടപടികളും കൊണ്ട് പോലും റോട്ടാവൈറസ് വയറിളക്കം ഒഴിവാക്കാൻ കഴിയില്ല, കാരണം റോട്ടാവൈറസ് ഗുരുതരമായ ഒരു വൈറസാണ്. ഇതിന് നിരവധി ദിവസങ്ങൾ മറ്റു വസ്തുക്കളിൽ സജീവമായിരിക്കാൻ സാധിക്കും. കൈ കഴുകി അണുനാശിനി ഉപയോഗിച്ച് വൃത്തിയാക്കിയാൽ പോലും റോട്ടവൈറസ് തടയുക എന്നത് വളരെ ബുദ്ധിമുട്ടാണ്.

റോട്ടാവൈറസ് ബാധിച്ചു വയറിളക്കമുള്ള കുട്ടികളിൽ ഛർദ്ദിയും കൂടുതലായി നടക്കുന്നു, അതിനാൽ വായിലൂടെ നൽകുന്ന മരുന്നുകൾ ഉപയോഗിച്ച് നിർജലീകരണം തടയുന്നത് (ഓറൽ റീഹൈഡ്രേഷൻ) ബുദ്ധിമുട്ടാണ്. ഇതിനെത്തുടർന്ന് കടുത്ത വയറിളക്കം ഉണ്ടാകുന്നതിനാൽ ശിശുക്കൾക്ക് ധാരാളം ശരീര ദ്രാവകങ്ങൾ നഷ്ടപ്പെടുന്നു, അവ അടിയന്തിരമായി പുനഃസ്ഥാപിക്കേണ്ടതുണ്ട്, പലപ്പോഴും ആശുപത്രിയിൽ പ്രവേശിപ്പിക്കുന്ന എന്നത് തന്നെ ആവശ്യമായി വരുന്നതാണ്.

റോട്ടവൈറസ് കൈകാര്യം ചെയ്യുന്നത് സംബന്ധിച്ച കൂടുതൽ വിവരങ്ങള്‍ക്ക് നിങ്ങളുടെ ഡോക്ടറെ സമീപിക്കുക.

കൈകഴുകലും വൃത്തിയും പോലെയുള്ള നല്ല ശുചിത്വവും വളരെ പ്രധാനമാണ്, എന്നാൽ ഇവയൊന്നും തന്നെ രോഗം പടരുന്നത് നിയന്ത്രിക്കാൻ പര്യാപ്തമല്ല. റോട്ടവൈറസ് വാക്സിനേഷൻ നിങ്ങളുടെ കുട്ടിയെ റോട്ടവൈറസ് രോഗത്തിൽ നിന്ന് സംരക്ഷിക്കുന്നതിനുള്ള ഒരു മാർഗമാണ്. റോട്ടവൈറസ് വാക്സിനേഷനെക്കുറിച്ചുള്ള കൂടുതൽ വിവരങ്ങൾക്ക് നിങ്ങളുടെ ഡോക്ടറെ സമീപിക്കുക.

വിവിധ വൈറസുകളും ബാക്ടീരിയകളും വയറിളക്കത്തിന് കാരണമാകാം. എന്നിരുന്നാലും, ഗുരുതരമായ നിർജ്ജലീകരണ വയറിളക്കത്തിന്റെ ഏറ്റവും സാധാരണമായ കാരണങ്ങളിലൊന്നാണ് റോട്ടാവൈറസ്, ഇതിൽ ആശുപത്രി ആവശ്യമായി വന്നേക്കാം. റോട്ടാവൈറസിനെതിരായ വാക്സിനേഷൻ നിങ്ങളുടെ കുഞ്ഞിനെ ഇത്തരത്തിലുള്ള ഗുരുതരമായ നിർജ്ജലീകരണ വയറിളക്കത്തിൽ നിന്നും റൊട്ടാവൈറസ് മൂലമുണ്ടാകുന്ന അനുബന്ധ ആശുപത്രി സന്ദർശനങ്ങളിൽ നിന്നും സംരക്ഷിക്കുന്നു.