റുബെല്ല രോഗവും വാക്സിനേഷനും

ജർമ്മൻ മീസിൽസ് എന്നും അറിയപ്പെടുന്ന റുബെല്ല പകർച്ചവ്യാധിയായ വൈറൽ അണുബാധയാണ്, ഇത് കുട്ടികളിലും യുവാക്കളിലും കൂടുതലായി കാണപ്പെടുന്നു. ജർമ്മൻ മീസിൽസ് എന്നും ഇതിനെ വിളിക്കുന്നുവെങ്കിലും, മീസൽസ് അഥവാ അഞ്ചാം പനിയ്ക്ക് കരണമാകുന്നതിൽ നിന്ന് വ്യത്യസ്തമായ വൈറസ് മൂലമാണ് ഇത് സംഭവിക്കുന്നത്.

വാക്സിനേഷൻ വഴി തടയാൻ കഴിയുന്ന ജനന വൈകല്യങ്ങളുടെ പ്രധാന കാരണമാണിത്.

രോഗബാധിതരിൽ നിന്ന് വായുവിലേക്ക് കലരുന്ന വെള്ളതുള്ളികളിലൂടെയാണ് റുബെല്ല കൂടുതലായി പകരുന്നത്. രോഗബാധിതനായ വ്യക്തി തുമ്മുകയോ ചുമയ്ക്കുകയോ ചെയ്യുമ്പോൾ വൈറസ് പടരുന്നു.

കൂടാതെ, റുബെല്ല അണുബാധയുള്ള ഗർഭിണികളിൽ നിന്നും അവരുടെ ഗർഭസ്ഥ ശിശുക്കളിലേക്കും അത് പകരുന്നതായി അറിയപ്പെടുന്നു.

സാധാരണയായി ഈ രോഗം കുഞ്ഞുങ്ങളിൽ നേരിയ തോതിലാണ് അനുഭവപ്പെടുന്നത്, കൂടാതെ ലക്ഷണങ്ങളിൽ ഇനിപറയുന്നവ ഉള്‍പ്പെടുന്നു.

മുഖത്ത് ആരംഭിച്ച് ശരീരം മുഴുവൻ വ്യാപിക്കുന്ന രീതിയിലുള്ള തടിപ്പ്

നേരിയ പനി

തൊണ്ട വേദന

നേരിയ രീതിയിലുള്ള കൺജങ്റ്റൈവൈറ്റിസ് അതായത് കണ്ണിനെ ബാധിക്കുന്ന വീക്കം

ഓക്കാനം

ചില മുതിർന്ന കുട്ടികളിലും മുതിർന്നവരിലും , തടിപ്പുകൾ പ്രത്യക്ഷപ്പെടുന്നതിന് മുമ്പ് തന്നെ തലവേദനയും പൊതുവായ അസ്വസ്ഥതയും ഉണ്ടാകാം.

രോഗം ബാധിച്ച മുതിർന്നവർക്ക്, കൂടുതലും സ്ത്രീകൾക്ക്, ഏകദേശം 3-10 ദിവസം നീണ്ടുനിൽക്കുന്ന വേദനാജനകമായ ശാരീരിക അസ്വാസ്ഥ്യങ്ങൾ അല്ലെങ്കിൽ സന്ധിവേദന ഉണ്ടാകാം.

സങ്കീർണതകൾ

ഒരു റൂബെല്ല അണുബാധ ഗർഭിണിയായ സ്ത്രീയിൽ ഗർഭം അലസി പോകൽ അല്ലെങ്കിൽ ഗർഭസ്ഥ ശിശുവിന്റെ ഗുരുതരമായ ജനന വൈകല്യങ്ങൾ പോലുള്ള ദോഷം വരുത്തും. റുബെല്ലയുടെ ഏറ്റവും ഗുരുതരമായ സങ്കീർണതയാണിത്.

കൺജെനിറ്റൽ റുബെല്ല സിൻഡ്രോം (സിആർഎസ്) റുബെല്ലയുടെ ഒരു സങ്കീർണത കൂടിയാണ്.

സി ആർ എസ് ഉള്ള കുട്ടികൾക്ക് ശ്രവണ വൈകല്യങ്ങൾ, കണ്ണിലെയും ഹൃദയത്തിലെയും വൈകല്യങ്ങൾ, ഓട്ടിസം, ഡയബറ്റിസ് മെലിറ്റസ്, തൈറോയ്ഡ് തകരാറുകൾ എന്നിവയുൾപ്പെടെയുള്ള ആജീവനാന്ത വൈകല്യങ്ങൾ ഉണ്ടായേക്കാം

മേൽപ്പറഞ്ഞവയിൽ പലതിനും ചെലവേറിയ ചികിത്സയും ശസ്ത്രക്രിയകളും മറ്റ് പരിചരണവും ആവശ്യമായി വന്നേക്കാം.

കുട്ടികൾക്ക് മൂന്ന്‍ ഡോസുകൾ നൽകണം:

• 1 മത് ഡോസ് 9 മാസങ്ങൾ പ്രായമുള്ളപ്പോൾ

• 2 മത് ഡോസ് 15 മാസങ്ങൾ പ്രായമുള്ളപ്പോൾ

• 3 മത് ഡോസ് 4 വയസ്സിനും 6 വയസ്സിനും ഇടയിൽ

തൊട്ടു മുന്‍പത്തെ ഡോസിന് 8 ആഴ്ചകള്‍ക്ക് ശേഷം ഇതു സമയത്തും 3 മത് ഡോസ് നല്‍കാവുന്നതാണ്.

ക്യാച്ച്-അപ്പ് വാക്സിനേഷൻ

മുമ്പ് മംപ്സ് വാക്സിനേഷൻ (എംഎംആർ വാക്സിനേഷൻ) സ്വീകരിച്ചിട്ടില്ലാത്ത എല്ലാ സ്കൂൾ പ്രായത്തിലുള്ള കുട്ടികൾക്കും കൗമാരക്കാർക്കും 2 ഡോസുകൾ നൽകേണ്ടതുണ്ട്.

ഒരു തവണ കുത്തിവയ്പ്പ് (വാക്സിനേഷൻ) എടുത്തിട്ടുണ്ടെങ്കിൽ, ഒരു ഡോസ് മാത്രമേ നൽകേണ്ടതുള്ളൂ

2 ഡോസുകൾ തമ്മിലുള്ള ഏറ്റവും കുറഞ്ഞ ഇടവേള 4 ആഴ്ചകൾ ആയിരിക്കണം

കൂടുതൽ വിവരങ്ങൾക്കായി നിങ്ങളുടെ ഡോക്ടറുമായി ബന്ധപ്പെടുക.

വാക്സിനേഷൻ കഴിഞ്ഞ് മിക്ക കുട്ടികൾക്കും പാർശ്വഫലങ്ങൾ ഉണ്ടാകില്ല. പാർശ്വഫലങ്ങൾ, എന്തെങ്കിലും ഉണ്ടെങ്കിൽ, മിക്കവാറും നേരിയ തോതിലായിരിക്കും കൂടാതെ ഇനിപറയുന്നവ ഉൾപ്പെടാം:

കുത്തിവയ്പ്പ് (വാക്സിനേഷൻ) എടുത്ത ഭാഗത്ത് വീക്കം, വേദന അല്ലെങ്കിൽ ചുവപ്പ് നിറം

• പനി

• ചെറിയ തടിപ്പ്

• സന്ധികളിൽ താൽക്കാലിക വേദനയും

കാഠിന്യവും പാർശ്വഫലങ്ങൾ സംബന്ധിച്ച കൂടുതൽ വിവരങ്ങൾക്ക്, ദയവായി നിങ്ങളുടെ ഡോക്ടറുടെ ഉപദേശം തേടുക.