പോളിയോ രോഗവും വാക്സിനേഷനും (IPV)

പോളിയോ വൈറസ് മൂലമുണ്ടാകുന്ന പോളിയോമൈലൈറ്റിസ് എന്ന രോഗമാണ് പോളിയോ എന്ന് പൊതുവെ അറിയപ്പെടുന്നത്. ഇത് പ്രധാനമായും കുട്ടികളെയാണ് ബാധിക്കുന്നത്, ഇത് തീവ്രതയനുസരിച്ച് പക്ഷാഘാതത്തിനും മരണത്തിനും ഇടയാക്കും. ഇതുകൂടാതെ,രോഗത്തെ അതിജീവിക്കുന്നവർക്ക് പോസ്റ്റ് പോളിയോ സിൻഡ്രോം ബാധിക്കുന്നതിനും സാധ്യതയുണ്ട്. അണുബാധയ്ക്ക് ശേഷം ഏകദേശം 15 മുതൽ 40 വർഷം വരെ അവർക്ക് പേശി വേദന, ബലഹീനത, പക്ഷാഘാതം എന്നിവ അനുഭവപ്പെടുന്നു.

പോളിയോ വൈറസ് വളരെ ഗുരുതരമായ് ഒരു പകർച്ചവ്യാധിയാണ്, ഇത് ഒരു വ്യക്തിയിൽ നിന്ന് മറ്റൊരാളിലേക്ക് എളുപ്പത്തിൽ പകരാം. ഇനിപ്പറയുന്ന രീതികളിൽ രോഗം വ്യാപിക്കാവുന്നതാണ്‌:

രോഗബാധിതനായ ഒരാളുടെ വിസര്‍ജ്യവുമായി (മലം) നിങ്ങൾ സമ്പർക്കം പുലർത്തുകയാണെങ്കിൽ

രോഗബാധിതനായ ഒരാളുടെ തുമ്മലിൽ നിന്നോ ചുമയിൽ നിന്നോ ഉള്ള വെള്ളതുള്ളികളിലൂടെ

രോഗബാധിതനായ ഒരാൾക്ക് രോഗലക്ഷണങ്ങൾ പ്രത്യക്ഷപ്പെടുന്നതിന് രണ്ടാഴ്ചയ്ക്ക് മുമ്പോ ശേഷമോ മറ്റുള്ളവരിലേക്ക് വൈറസ് പകരാം. ലക്ഷണമില്ലാത്തവരിൽ നിന്നും പോളിയോ വൈറസ് പകരാം.

പോളിയോ വൈറസ് ബാധിച്ച എല്ലാവരിലും രോഗലക്ഷണങ്ങൾ ഉണ്ടായിരിക്കണം എന്നില്ല. എന്നിരുന്നാലും, രോഗബാധിതരായ ഓരോ നാല് വ്യക്തികളിൽ ഒരാൾക്ക് ഫ്ലു ബാധിച്ചവരിൽ കാണപ്പെടുന്നതിന് സമാനമായ ലക്ഷണങ്ങൾ പ്രകടമായേക്കാം. ഇവയിൽ ഇനിപറയുന്നവ ഉള്‍പ്പെടുന്നു:

• തൊണ്ട വേദന

• പനി

• വയറുവേദന

• തളര്‍ച്ച

• ഓക്കാനം

• തലവേദന ഇവ നേരിയ രീതിയിലുള്ള ലക്ഷണങ്ങളായിരിക്കും കൂടാതെ സാധാരണയായി 2 മുതൽ 5 ദിവസത്തിൽ കൂടുതൽ നീണ്ടുനിൽക്കില്ല.

അണുബാധയുടെ തീവ്രതയെ ആശ്രയിച്ച്, നട്ടെല്ലിനെയും തലച്ചോറിനെയും ബാധിക്കുന്ന ഇനിപറയുന്നവ പോലുള്ള ഗുരുതരമായ ലക്ഷണങ്ങളും ചിലർക്ക് അനുഭവപ്പെട്ടേക്കാം:

കൈകാലുകളിൽ, പ്രത്യേകിച്ച് കാലുകളിൽ റി സൂചി തറയ്ക്കുന്നത് പോലുള്ള വേദന അല്ലെങ്കിൽ മരവിപ്പ് അനുഭവപ്പെടുന്ന പരാസ്തേഷ്യ

മെനിഞ്ചൈറ്റിസ്, ഇത് തലച്ചോറിന്റെയും സുഷുമ്നാ നാഡിയുടെയും ആവരണത്തിൽ സംഭവിക്കുന്ന വീക്കം ആണ്

സ്ഥിരമായ വൈകല്യത്തിലേക്കും മരണത്തിലേക്കും നയിച്ചേക്കാവുന്ന ഏറ്റവും ഗുരുതരമായ ലക്ഷണങ്ങളിലൊന്നാണ് പക്ഷാഘാതം, ഇത് പോളിയോയുമായി ബന്ധപ്പെട്ട ഏറ്റവും ഗുരുതരമായ ലക്ഷണമായി കണക്കാക്കുന്നു.

• ഓറൽ പോളിയോ വാക്‌സിന്റെ (OPV) ആദ്യ ഡോസ് ഒരു കുട്ടിക്ക് ജനനസമയത്ത് നൽകുന്നു.

• ഒപിവിയുടെ ജനനസമയത്തെ ഡോസിന് ശേഷം, ഇൻജക്റ്റബിൾ ഇൻ ആക്റ്റിവേറ്റഡ് പോളിയോ വൈറസ് (ഐപിവി) അടങ്ങിയ വാക്സിനുകൾ പ്രധാനമാണ് കൂടാതെ ഇവ 6 ആഴ്ച മുതൽ കുട്ടിക്ക് സമയബന്ധിതമായി നൽകാൻ ശുപാർശ ചെയ്യുന്നു.

ഈ ഐ പി വി അടങ്ങിയ വാക്സിനുകൾ ഒറ്റയ്‌ക്കോ സംയോജിതമായോ (കോംബിനേഷൻ) ലഭ്യമാണ്. കൂടാതെ, ദേശീയവും പ്രാദേശികവുമായ പൾസ് പോളിയോ ദിനങ്ങളിൽ കുട്ടികൾക്ക് എ പി വി ലഭിക്കുന്നുണ്ടെന്ന് എല്ലാ രക്ഷിതാക്കളും ഉറപ്പാക്കേണ്ടതാണ്

• കൂടുതൽ വിവരങ്ങൾക്കായി നിങ്ങളുടെ ഡോക്ടറുമായി ബന്ധപ്പെടുക.

• വാക്സിനുകൾ ഉൾപ്പെടെ ഏത് മരുന്നിനും പാർശ്വഫലങ്ങൾ ഉണ്ടാകാനുള്ള സാധ്യതയുണ്ട്. ഇവ സാധാരണയായി നേരിയ തോതിൽ ഉള്ളവയും സ്വയം അപ്രത്യക്ഷപ്പെടുന്നവും ആയിരിക്കും

ഐ പി വി എടുക്കുന്ന ചിലർക്ക് കുത്തിവയ്പ്പ് എടുത്ത സ്ഥലത്ത് പാടുകളും വേദനയും ഉണ്ടാകുന്നു. ഐ പി വി ഗുരുതരമായ പാർശ്വഫലങ്ങൾ ഉണ്ടാക്കുന്നതായി അറിവില്ല. മിക്ക ആളുകൾക്കും അതിൽ പ്രശ്‌നങ്ങളൊന്നും തന്നെ ഉണ്ടാകുന്നില്ല.