പെർട്ടുസിസ് രോഗവും വാക്സിനേഷനും

ബോർഡർടെല്ല പെർട്ടുസിസ് എന്ന ബാക്ടീരിയ മൂലമുണ്ടാകുന്ന ശ്വാസകോശ സംബന്ധമായ അണുബാധയാണ് പെർട്ടുസിസ്. രോഗം വളരെ വേഗം പകരുന്നതാണ്. നമ്മുടെ ശ്വാസനാളിയിലെ മുകൾ ഭാഗത്ത് രോമങ്ങൾ പോലെയുള്ള ചെറിയ ഉന്തിനിൽക്കുന്ന ഭാഗങ്ങളായ സിലിയയിൽ ബാക്ടീരിയകൾ ഘടിപ്പിക്കപ്പെടുന്നു. ഇത് സിലിയയെ നശിപ്പിക്കുന്ന വിഷവസ്തുക്കളെ പുറത്തുവിടുന്നു.

രോഗബാധിതനായ ഒരാൾക്ക് അനിയന്ത്രിതമായ ചുമ ഉണ്ടാകാം, അത് ശ്വാസ നഷ്ടം ഉണ്ടാകുന്നു കൂടാതെ നവജാത ശിശുക്കളിൽ ഈ രോഗം മരണത്തിന് കാരണമായേക്കാം.

പെർട്ടുസിസ് പകർച്ചവ്യാധിയാണ്, രോഗബാധിതനായ വ്യക്തിയിൽ നിന്ന് ശ്വസന ത്തിൽ നിന്നുള്ള വെള്ളതുള്ളികളിലൂടെയോ അവരുമായി ഇടം പങ്കിടുമ്പോൾ മറ്റുള്ളവരിലേക്ക് പകരാം. ഇത് സാധാരണയായി ചുമ, തുമ്മൽ, അല്ലെങ്കിൽ അടുത്ത സമ്പർക്കം മൂലമാണ് പകരുന്നത്. രോഗം ബാധിച്ച വ്യക്തികൾ ആരംഭിച്ച് 2 ആഴ്ച വരെ രോഗം പകരാൻ സാധ്യത ഉള്ളവരാണ്.

രോഗ ലക്ഷണം പ്രകടിപ്പിക്കുന്നില്ല എങ്കിലും പരിചരിക്കുന്നവർ, മാതാപിതാക്കൾ, സഹോദരങ്ങൾ എന്നിവരുമായി സമ്പർക്കം പുലർത്തുന്ന രോഗവാഹകരിൽ നിന്ന് ശിശുക്കൾക്കും അണുബാധയ്ക്ക് സാധ്യതയുണ്ട്.

സമ്പർക്കത്തിൽ വരുന്നതിൽ നിന്നും 5 മുതൽ 10 ദിവസത്തിനു ശേഷം വരെ പെർട്ടുസിസ് ലക്ഷണങ്ങൾ ഉണ്ടാകാം. ചില കേസുകളിൽ, മൂന്നാഴ്ച വരെ രോഗലക്ഷണങ്ങൾ പുറത്തുവരുകയില്ല.

പെർട്ടിസിസിന്റെ ആദ്യ ലക്ഷണങ്ങൾ സാധാരണ ജലദോഷത്തിന് സമനമായവ പോലെ തോന്നിയേക്കാം. ഇവ 1-2 ആഴ്ചകൾ വരെ നീണ്ടു നില്‍ക്കും. സി.സി.സി അനുസരിച്ച്, ചില സാധാരണ ലക്ഷണങ്ങളിൽ ഇനിപറയുന്നവ ഉൾപ്പെടുന്നു:

• മൂക്കൊലിപ്പ്
• നേരിയ പനി
• ഗുരുതരമല്ലാത്ത, ഇടയ്ക്കിടെയുള്ള ചുമ
• അപ്നീയ - ഉറങ്ങുമ്പോൾ ഉള്ള ബുദ്ധിമുട്ടുകൾ (കുട്ടികളിൽ കൂടുതൽ)

അടുത്ത ഘട്ടത്തിലെ രോഗലക്ഷണങ്ങളിൽ ഇനിപറയുന്നവ ഉള്‍പ്പെടുന്നു:

• 'വൂപ്' ശബ്ദത്തെ തുടർന്ന് ദ്രുതഗതിയിലുള്ള ചുമ അനുഭവപ്പെടുന്നു (പാരോക്‌സിസം)
• ചര്‍ദ്ദി
• ചുമയെ തുടർന്നുള്ള ക്ഷീണം

ഏകദേശം 10 ആഴ്‌ച വരെ ചുമ അനുഭവപ്പെടാം. സുഖം പ്രാപിക്കുന്നതിന്റെ ലക്ഷണങ്ങളിലൊന്ന് ചുമ മൃദുവാകുകയും ഇടയ്ക്കിടെ കുറയുകയും ചെയ്യുന്നത് എന്നാൽ ഭേദമാകുന്നത് വളരെ സാവധാനത്തിൽ സംഭവിക്കാം.

ശിശുക്കളിലും കുട്ടികളിലും ന്യുമോണിയ താരതമ്യേന സാധാരണമാണ്, പക്ഷേ അപസ്മാരവും മസ്തിഷ്ക രോഗവും വളരെ അപൂർവമായി മാത്രമേ സംഭവിക്കൂ.

ടെറ്റനസ്, ഡിഫ്തീരിയ എന്നിവയ്ക്കൊപ്പം പെർട്ടുസിസ് വാക്സിനേഷൻ ലഭ്യമാണ്. ഇന്ത്യൻ അക്കാദമി ഓഫ് പീഡിയാട്രിക്‌സ് (ഐഎപി) വാക്‌സിനുകളും ഇമ്മ്യൂണൈസേഷൻ പ്രാക്ടീസുകളും സംബന്ധിച്ച ഉപദേശക സമിതിയുടെ (എസിവിഐപി) പ്രകാരം, വാക്‌സിൻ ഇനിപ്പറയുന്ന പ്രായത്തിൽ മൂന്ന് ഡോസുകളായി നൽകുന്നു:

• 6 ആഴ്ചകൾ
• 10 ആഴ്ചകൾ
• 14 ആഴ്ചകൾ

ഇതിനുപുറമേ, 16 -18 മാസങ്ങള്‍ക്കുള്ളിലും 4-6 വയസ്സിനിടയിലും ബൂസ്റ്റർ ഡോസുകളും നല്‍കേണ്ടതാണ്.

ടിഡാപ് (ആന്റിജൻ സംയുക്ത ടെറ്റനസ്, ഡിഫ്തീരിയ, അസെല്ലുലാർ പെർട്ടുസിസ്) 10-12 വയസ്സിൽ.

മുതിർന്നവർക്കും ബൂസ്റ്റർ ഡോസുകൾ (ടിഡാപ്) ആവശ്യമാണ്.

കൂടുതൽ വിവരങ്ങൾക്കായി നിങ്ങളുടെ ശിശുരോഗവിദഗ്ദ്ധനുമായി (പീടിയാട്രീഷ്യൻ) ബന്ധപ്പെടുക

കൂടുതൽ വിവരങ്ങൾക്കായി നിങ്ങളുടെ ഡോക്ടറുമായി ബന്ധപ്പെടുക.

പെർട്ടുസിസ് വാക്സിനേഷനുകൾ കുത്തിവയ്പ്പ് നടത്തിയ സ്ഥലത്ത് വേദന, ചുവപ്പ് അല്ലെങ്കിൽ വീക്കം തുടങ്ങിയ നേരിയ ലക്ഷണങ്ങൾക്ക് കാരണമാകും.

ഗുരുതരമായ രോഗലക്ഷണങ്ങൾ ഉണ്ടെങ്കിൽ ഉടൻ തന്നെ ശിശുരോഗവിദഗ്ദ്ധനെ (വാക്സിനേഷൻ) പരിശോധിക്കുക.

പാർശ്വഫലങ്ങൾ സംബന്ധിച്ച കൂടുതൽ വിവരങ്ങൾക്ക്, ദയവായി നിങ്ങളുടെ ഡോക്ടറുടെ ഉപദേശം തേടുക.