മുണ്ടിനീര് രോഗവും വാക്സിനേഷനും

മംപ്സ് ഒരു ഗുരുതരമായ വൈറൽ രോഗമാണ്, ഇത് പ്രധാനമായും ഒന്നോ രണ്ടോ പരോട്ടിഡ് ഉമിനീർ ഗ്രന്ഥികളെ (കവിളിലും താടിയെല്ലിലും) ബാധിക്കുന്നു. റുബുലവൈറസ് കുടുംബത്തിലെ അംഗമായ പാരാമിക്‌സോവൈറസ് മൂലമാണ് ഇത് ബാധിക്കുന്നത്

മംപ്സ് വൈറസ് മനുഷ്യരിലൂടെ മാത്രമേ പകരുന്നുള്ളൂ. രോഗബാധിതനായ വ്യക്തിയുടെ വായിൽ നിന്നോ മൂക്കിൽ നിന്നോ തൊണ്ടയിൽ നിന്നോ ഉമിനീർ അല്ലെങ്കിൽ മ്യൂക്കസ് വഴി ഇത് പടരുന്നു.

മംപ്സ് വൈറസ് പരത്താൻ കഴിയുന്ന പ്രവർത്തനങ്ങൾ ഇവയാണ്:

• ചുമ

• തുമ്മുക

• രോഗം ബാധിച്ച വ്യക്തിയുമായി വസ്തുക്കൾ പങ്കുവയ്ക്കുക

ഭൂരിഭാഗം ആളുകളിലും ഉമിനീർ ഗ്രന്ഥികളുടെ (പരോട്ടിഡ് ഗ്രന്ഥി) വീക്കമാണ് കാണപ്പെടുന്നത്. ചെവിയുടെ മുൻഭാഗത്തും താഴെയുമായി കാണപ്പെടുന്ന പരോട്ടിഡ് ഗ്രന്ഥി, മാംപ്സ് ബാധിക്കുമ്പോൾ വീർക്കുന്നു.ഇത് മൂലം കവിൾ വീർക്കുകയും താടിയെല്ല് വീർക്കുകയും വേദനയുള്ളതാകുകയും ചെയ്യുന്നു. ലക്ഷണങ്ങളിൽ ഇനിപറയുന്നവ ഉള്‍പ്പെടുന്നു:

• പനി

• തലവേദന

• പേശീ വേദന

• തളര്‍ച്ച

• കൂടാതെ വിശപ്പില്ലായ്മ

മംപ്സ് ചിലപ്പോൾ താഴെ പറയുന്നവ ഉൾപ്പടെയുള്ള സങ്കീർണതകൾക്ക് കാരണമാകാം:

• ഓർക്കിറ്റിസ് - വൃഷണങ്ങളുടെ വീക്കം

• ഊഫോറൈറ്റിസ് - അണ്ഡാശയത്തിന്റെ വീക്കം

• പാൻക്രിയാറ്റിസ് - പാൻക്രിയാസിലെ വീക്കം

• എൻസെഫലൈറ്റിസ് - തലച്ചോറിന്റെ വീക്കം

• മെനിഞ്ചൈറ്റിസ് - തലച്ചോറിനെയും സുഷുമ്നാ നാഡിയെയും മൂടുന്ന കോശസ്തരത്തിലെ വീക്കം

വൃഷണങ്ങളുടെ വീക്കം താൽക്കാലിക വന്ധ്യതയിലേക്കോ പുരുഷന്മാരിൽ പ്രത്യുൽപാദനശേഷി കുറയുന്നതിനോ നയിച്ചേക്കാം.

കുട്ടികൾക്ക് മൂന്ന്‍ ഡോസുകൾ നൽകണം:

• 1 മത് ഡോസ് 9 മാസങ്ങൾ പ്രായമുള്ളപ്പോൾ

• 2 മത് ഡോസ് 15 മാസങ്ങൾ പ്രായമുള്ളപ്പോൾ

• 3 മത് ഡോസ് 4 വയസ്സിനും 6 വയസ്സിനും ഇടയിൽ തൊട്ടു മുന്‍പത്തെ ഡോസിന് 8 ആഴ്ചകള്‍ക്ക് ശേഷം ഇതു സമയത്തും 3 മത് ഡോസ് നല്‍കാവുന്നതാണ്.

ക്യാച്ച്-അപ്പ് വാക്സിനേഷൻ

• മുമ്പ് മംപ്സ് കുത്തിവയ്പ്പ് (വാക്സിനേഷൻ) (എംഎംആർ വാക്സിനേഷൻ) സ്വീകരിച്ചിട്ടില്ലാത്ത എല്ലാ സ്കൂൾ പ്രായത്തിലുള്ള കുട്ടികൾക്കും കൗമാരക്കാർക്കും 2 ഡോസുകൾ നൽകേണ്ടതുണ്ട്.

• ഒരു തവണ കുത്തിവയ്പ്പ് (വാക്സിനേഷൻ) എടുത്തിട്ടുണ്ടെങ്കിൽ, ഒരു ഡോസ് മാത്രമേ നൽകേണ്ടതുള്ളൂ

• 2 ഡോസുകൾ തമ്മിലുള്ള ഏറ്റവും കുറഞ്ഞ ഇടവേള 4 ആഴ്ചകൾ ആയിരിക്കണം കൂടുതൽ വിവരങ്ങൾക്കായി നിങ്ങളുടെ ഡോക്ടറുമായി ബന്ധപ്പെടുക.

വാക്സിനേഷൻ കഴിഞ്ഞ് മിക്ക കുട്ടികൾക്കും പാർശ്വഫലങ്ങൾ ഉണ്ടാകില്ല. പാർശ്വഫലങ്ങൾ, എന്തെങ്കിലും ഉണ്ടെങ്കിൽ,അവ മിക്കവാറും നേരിയ തോതിലായിരിക്കും കാണപ്പെട്ടുന്നത്. ഇവയിൽ ഇനിപറയുന്നവ ഉൾപ്പെടാം:

• കുത്തിവയ്പ്പ് (വാക്സിനേഷൻ) എടുത്ത ഭാഗത്ത് വീക്കം, വേദന അല്ലെങ്കിൽ ചുവപ്പ് നിറം

• പനി

• ചെറിയ തടിപ്പ്

• സന്ധികളിൽ താൽക്കാലിക വേദനയും കാഠിന്യവും

അപൂർവ്വമായി,പാർശ്വഫലങ്ങളിൽ ഉയർന്ന പനി ഉൾപ്പെടാം, അത് അപസ്മാരത്തിലേക്ക് നയിച്ചേക്കാം.

പാർശ്വഫലങ്ങൾ സംബന്ധിച്ച കൂടുതൽ വിവരങ്ങൾക്ക്, ദയവായി നിങ്ങളുടെ ഡോക്ടറുടെ ഉപദേശം തേടുക.