മെനിംഗോകോക്കൽ മെനിഞ്ചൈറ്റിസ് രോഗവും വാക്സിനേഷനും

മെനിഞ്ചൈറ്റിസ് ബാക്ടീരിയ, ഫംഗസ്, അല്ലെങ്കിൽ പല തരത്തിലുള്ള വൈറസ് എന്നിങ്ങനെയുള്ള വിവിധ ജൈവകണങ്ങൾ മൂലം ഉണ്ടാകാം,എന്നാൽ മെനിംഗോകോക്കൽ മെനിഞ്ചൈറ്റിസ് ഉണ്ടാകുന്നത് നെയ്സെറിയ മെനിഞ്ചൈറ്റിഡിസ് എന്ന ബാക്ടീരിയയാണ്. മെനിംഗോകോക്കി എന്നും അറിയപ്പെടുന്ന ഈ ബാക്ടീരിയ, മെനിഞ്ചൈറ്റിസ് കൂടാതെ സെപ്സിസ്, ന്യുമോണിയ, ആർത്രൈറ്റിസ്, മയോകാർഡിറ്റിസ്, തുടങ്ങിയ മറ്റ് അവസ്ഥകൾക്കും കാരണമായേക്കാം. ചികിത്സിച്ചില്ലെങ്കിൽ, ഇത് ഗുരുതരമായ മസ്തിഷ്ക ക്ഷതം ഉണ്ടാക്കുകയും മരണകാരണമായി മാറുകയും ചെയ്യും.

ഒരു വ്യക്തിയിൽ നിന്ന് മറ്റൊരാളിലേക്ക് സമ്പർക്കത്തിലൂടെയാണ് ബാക്ടീരിയ പ്രധാനമായും പകരുന്നത്. സാധാരണയായി അടുത്ത അല്ലെങ്കിൽ നീണ്ടകാല സമ്പർക്കം വഴി ഒരു വാഹകനിൽ നിന്നുള്ള ശ്വാസകോശത്തിലെ അല്ലെങ്കിൽ തൊണ്ടയിലെ സ്രവങ്ങളുടെ തുള്ളികൾ അണുബാധയ്ക്ക് കാരണമാകും. അടച്ചിട്ട മുറികളിൽ താമസിക്കുന്നത്, പുകവലിക്കുകയോ ചുംബിക്കുകയോ തുമ്മുകയോ ചുമയ്ക്കുകയോ ചെയ്യുന്നത് അണുബാധയ്ക്ക് കാരണമാകും. കൂട്ടംകൂടുന്ന അവസരങ്ങളിൽ ഇത് പകരാനുള്ള സാധ്യത വർദ്ധിക്കുന്നു.

മെനിംഗോകോക്കൽ മെനിഞ്ചൈറ്റിസ് പ്രാഥമികമായി തലച്ചോറിന്റെയും സുഷുമ്നാ നാഡിയുടെയും ആവരണത്തെ ബാധിക്കുകയും വീക്കം ഉണ്ടാക്കുകയും ചെയ്യുന്നു. എന്നിരുന്നാലും, അണുബാധയുടെ തീവ്രതയെ ആശ്രയിച്ച് ലക്ഷണങ്ങൾ വ്യത്യാസപ്പെടാം.

ലക്ഷണങ്ങളിൽ ഇനി പറയുന്നവ ഉൾപ്പെടുത്തുന്നു:

• പനി

• തലവേദന

• ഓക്കാനം

• ചര്‍ദ്ദി

• കഴുത്തു വേദന

• ആശയക്കുഴപ്പം

• ഫോട്ടോഫോബിയ (പ്രകാശത്തോടുള്ള സംവേദകത്വം)

അണുബാധയുടെ ഏറ്റവും ഗുരുതരമായ രൂപങ്ങളിലൊന്ന് മെനിംഗോകോക്കൽ സെപ്റ്റിസീമിയയാണ്. ഇത് ഡാര്‍ക്ക് പര്‍പ്പിൾ റാഷ്, ദ്രുതഗതിയിലുള്ള രക്തചംക്രമണ തകരാർ എന്നിവയ്ക്കും അതുവഴി മരണത്തിനും കാരണമാകുന്നു.

സങ്കീർണതകൾ

നേരത്തെയുള്ള രോഗനിർണയം നടത്തിയാലും, ഏകദേശം 8% മുതൽ 15% വരെ രോഗികളും അണുബാധയ്ക്ക് ശേഷമുള്ള ആദ്യത്തെ 24 മുതൽ 48 മണിക്കൂർ വരെ അതിജീവിക്കണമെന്നില്ല.

രോഗത്തെ അതിജീവിക്കുന്ന അഞ്ചിൽ ഒരാൾക്ക് വരെ ബധിരത, നാഡീവ്യവസ്ഥയിലെ പ്രശ്നങ്ങൾ, മസ്തിഷ്ക ക്ഷതം തുടങ്ങിയ സങ്കീർണതകൾ ഉണ്ടാകാം.

ഇന്ത്യൻ അക്കാദമി ഓഫ് പീഡിയാട്രിക്സ് (2020-21) പ്രകാരം, ഉയർന്ന അപകടസാധ്യതയുള്ള ഒരു ഗ്രൂപ്പിന് മെനിംഗോകോക്കൽ വാക്സിനേഷൻ ശുപാർശ ചെയ്യുന്നു.

• 9 മാസങ്ങൾ മുതൽ 2 വയസ്സ് വരെയുള്ള കുട്ട്കള്‍ക്ക്, 3 മാസങ്ങൾ ഇടവേളയിൽ 2 ഡോസുകൾ

• 2 വയസ്സിനു മുകളിലുള്ള കുട്ടികൾക്ക്, ഒരൊറ്റ ഡോസ്*

• ദയവായി ശ്രദ്ധിക്കുക, വിവിധ നിര്‍മാതാക്കളിൽ നിന്നുള്ള വിവിധ പ്രയക്കാരെയും ഡോസുകളും സംബന്ധിച്ചു വ്യത്യസ്തമായ അനുമതികളോട് കൂടിയതായിരിക്കും. കൂടുതൽ വിവരങ്ങൾക്കായി നിങ്ങളുടെ ശിശുരോഗവിദഗ്ദ്ധനുമായി (പീടിയാട്രീഷ്യൻ) ബന്ധപ്പെടുക.

മെനിംഗോകോക്കൽ കുത്തിവയ്പ്പിന്റെ (വാക്സിനേഷൻ) സാധാരണയായി അറിയപ്പെടുന്ന പാർശ്വഫലങ്ങൾ ഇനിപറയുന്നവ ഉൾപ്പെടുന്നു:

• ഇന്‍ജക്ഷൻ എടുത്ത സ്ഥലത്ത് വേദന

• ഇന്‍ജക്ഷൻ എടുത്ത സ്ഥലത്ത് വേദനയും വീക്കവും

• പനി

• തലവേദന

പാർശ്വഫലങ്ങൾ സംബന്ധിച്ച കൂടുതൽ വിവരങ്ങൾക്ക്, ദയവായി നിങ്ങളുടെ ഡോക്ടറെ സമീപിക്കുക