ഡിഫ്തീരിയ രോഗവും വാക്സിനേഷനും

കോറിനെബാക്ടീരിയം ഡിഫ്തീരിയ ബാക്ടീരിയ മൂലമുണ്ടാകുന്ന അണുബാധ ഡിഫ്തീരിയയ്ക്ക് കാരണമാകുന്നു. ഇത് പ്രാഥമികമായി ശ്വാസനാളത്തിന്റെ മുകൾ ഭാഗത്തെയും തൊണ്ടയിലെയും അണുബാധയ്ക്ക് കാരണമാകുന്നു. ബാക്ടീരിയകൾ വിഷവസ്തുക്കളെ ഉത്പാദിപ്പിക്കുന്നു, ഇത് തൊണ്ടയിലും ടോൺസിലിലും മൃതകോശങ്ങളുടെ ഒരു പാളി വികസിപ്പിക്കുന്നു.

രോഗിക്ക് തൊണ്ടവേദന അനുഭവപ്പെടുകയും വിഴുങ്ങാനോ ശ്വസിക്കാനോ ബുദ്ധിമുട്ട് അനുഭവപ്പെടുകയും ചെയ്യുന്നു. കൃത്യസമയത്ത് ചികിത്സിച്ചില്ലെങ്കിൽ അത് മരണത്തിനു വരെ കാരണമായേക്കാം.

ഡിഫ്തീരിയ ബാക്ടീരിയ സാധാരണയായി മുകളിലെ ശ്വാസനാളത്തിന്റെ മുകൾഭാഗത്ത് കാണപ്പെടുന്നു, ശ്വസനത്തിൽ പുറന്തള്ളുള്ള വെള്ളത്തുള്ളികളിലൂടെയും ശാരീരിക സമ്പർക്കത്തിലൂടെയും ഇത് എളുപ്പത്തിൽ പടരുന്നതാണ്.

ചുമയും തുമ്മലും ബാക്ടീരിയ പടരുന്നതിനുള്ള ഏറ്റവും സാധാരണമായ മാർഗ്ഗങ്ങളാണ്. തുറന്ന വ്രണങ്ങൾ, അണുബാധയുള്ള അൾസർ എന്നിവ സ്പർശിക്കുന്നതിലൂടെയും ഒരാൾക്ക് രോഗം പിടിപെടാം.

ഡിഫ്തീരിയ സാധാരണയായി ശ്വാസകോശ വ്യവസ്ഥയെ ആണ് ബാധിക്കുന്നത്. രോഗബാധിതനായ ഒരു വ്യക്തിയ്ക്ക് ശ്വസിക്കുന്നതിനും വിഴുങ്ങുന്നതിനും ബുദ്ധിമുട്ട് അനുഭവപ്പെടുന്നു. ബാക്ടീരിയ ചർമ്മത്തെയും ബാധിച്ചേക്കാം.

സി ഡി സി പ്രകാരം, ശ്വാസകോശ സംവിധാനത്തിൽ ഡിഫ്തീരിയ അണുബാധയുടെ സാധാരണ ലക്ഷണങ്ങളിൽ ഇനി പറയുന്നവ ഉൾപ്പെടുന്നു:

• തളര്‍ച്ച
• തൊണ്ട വേദന
• നേരിയ പനി
• കഴിത്തിലെ ഗ്രന്തികളിൽ വീക്കം

ഇതിനുപുറമെ, ബാക്ടീരിയകൾ വിഷവസ്തുക്കളെ സൃഷ്ടിച്ചേക്കാം, ഇത് മൃത കോശങ്ങളുടെ ഒരു പാളിയായ 'സ്യൂഡോമെംബ്രെൻ' രൂപീകരിക്കുകയും നിങ്ങളുടെ തൊണ്ടയും മൂക്കും മൂടുന്ന, അവസ്ഥയിലെത്തുകയും ചെയ്യുന്നു. കൂടുതൽ വഷളാകുമ്പോൾ, വിഷം രക്തപ്രവാഹത്തിലേക്ക് പ്രവേശിക്കുകയും വൃക്കകൾ, ഹൃദയം, ഞരമ്പുകൾ തുടങ്ങിയ അവയവങ്ങൾക്ക് കേടുപാടുകൾ വരുത്തുകയും ചെയ്യും.

ത്വക്കിലെ തുറന്ന മുറിവുകളിലൂടെയും വ്രണങ്ങളിലൂടെയും രോഗം പടരാൻ സാധ്യതയുണ്ട്.

ഇന്ത്യൻ അക്കാദമി ഓഫ് പീഡിയാട്രിക്‌സ് (ഐഎപി) വാക്‌സിന്‍സ് & ഇമ്മ്യൂണൈസേഷൻ പ്രാക്ടീസസ് സംബന്ധിച്ച ഉപദേശക സമിതി (എസിവിഐപി) യുടെ അഭിപ്രായപ്രകാരം താഴെപ്പറയുന്ന പ്രായങ്ങളിൽ മൂന്ന് ഡോസുകളിലായാണ് വാക്സിനേഷൻ നൽകുന്നത്:

ഇന്ത്യൻ അക്കാദമി ഓഫ് പീഡിയാട്രിക്‌സ് (ഐഎപി) വാക്‌സിന്‍സ് & ഇമ്മ്യൂണൈസേഷൻ പ്രാക്ടീസസ് സംബന്ധിച്ച ഉപദേശക സമിതി (എസിവിഐപി) യുടെ അഭിപ്രായപ്രകാരം താഴെപ്പറയുന്ന പ്രായങ്ങളിൽ മൂന്ന് ഡോസുകളിലായാണ് വാക്സിനേഷൻ നൽകുന്നത്:

• 6 ആഴ്ചകൾ
• 10 ആഴ്ചകൾ
• 14 ആഴ്ചകൾ

ഇതിനുപുറമേ, 16 -18 മാസങ്ങള്‍ക്കുള്ളിലും 4-6 വയസ്സിനിടയിലും ബൂസ്റ്റർ ഡോസുകളും നല്‍കേണ്ടതാണ്

ടിഡാപ് (ആന്റിജൻ സംയുക്ത ടെറ്റനസ്, ഡിഫ്തീരിയ, അസെല്ലുലാർ പെർട്ടുസിസ്) 10-12 വയസ്സിൽ.

മുതിർന്നവർക്കും ബൂസ്റ്റർ ഡോസുകൾ (ടിഡാപ്) ആവശ്യമാണ്.

കൂടുതൽ വിവരങ്ങൾക്കായി നിങ്ങളുടെ ശിശുരോഗവിദഗ്ദ്ധനുമായി (പീടിയാട്രീഷ്യൻ) ബന്ധപ്പെടുക.

കൂടുതൽ വിവരങ്ങൾക്കായി നിങ്ങളുടെ ഡോക്ടറുമായി ബന്ധപ്പെടുക

ഡിഫ്തീരിയ കുത്തിവയ്പ്പിന്റെ (വാക്സിനേഷൻ) പാർശ്വഫലങ്ങളിൽ ഇനിപറയുന്നവ ഉൾപ്പെടുന്നു:

• ഇന്‍ജക്ഷൻ എടുത്ത സ്ഥലത്ത് വീക്കം അല്ലെങ്കിൽ വേദന.
• പനി
• വിശപ്പില്ലായ്മ
• ചര്‍ദ്ദി
• തളര്‍ച്ചയും 3 മണിക്കൂറുകളോളം നിര്‍ത്താതെയുള്ള കരച്ചിലും

അപസ്മാരം, മസ്തിഷ്ക ക്ഷതം, മതി ഭ്രമം, കോമ എന്നിവ അപൂർവവും എന്നാൽ ഗുരുതരവുമായ ചില പാർശ്വഫലങ്ങളാണ്

അത്തരം ലക്ഷണങ്ങൾ നിങ്ങൾ ശ്രദ്ധയിൽപ്പെട്ടാൽ, ഉടൻ തന്നെ നിങ്ങളുടെ ശിശുരോഗവിദഗ്ദ്ധനെ (പീഡിയാട്രീഷ്യൻ) പരിശോധിക്കുക.

പാർശ്വഫലങ്ങൾ സംബന്ധിച്ച കൂടുതൽ വിവരങ്ങൾക്ക്, ദയവായി നിങ്ങളുടെ ഡോക്ടറുടെ ഉപദേശം തേടുക.