You are now leaving GSK’s website and are going to a website that is not operated/controlled by GSK. Though we feel it could be useful to you,we are not responsible for the content/service or availability of linked sites. You are therefore mindful of these risks and have decided to go ahead.

Agree Agree Agree Stay

ಹಳದಿ ಜ್ವರ ರೋಗ ಮತ್ತು ಲಸಿಕೆ

ಹಳದಿ ಜ್ವರ(YF) ರೋಗವು ಹಳದಿ ಜ್ವರ ವೈರಾಣುವಿನಿಂದ(YFV) ಉಂಟಾಗುತ್ತದೆ

ಹಳದಿ ಜ್ವರ ಒಂದು ಮಾರಣಾಂತಿಕ ಕಾಯಿಲೆಯಾಗಿದ್ದು ಇದು ಒಂದು ನಿರ್ದಿಷ್ಟ ವಿಧದ ಸೊಳ್ಳೆಯ ಕಡಿತದಿಂದ ಉಂಟಾಗುತ್ತದೆ. ಇದನ್ನು ಲಸಿಕೆಯ ಮೂಲಕ ತಡೆಗಟ್ಟಬಹುದು. ಲಸಿಕೆಯನ್ನು ಹಾಕಿಸುವ ಮುನ್ನ ದಯವಿಟ್ಟು ಒಮ್ಮೆ ನಿಮ್ಮ ವೈದ್ಯರನ್ನು ಭೇಟಿ ಮಾಡಿ.

ಸೋಂಕಿರುವ ಮತ್ತು ಸೋಂಕು ಬರುವ ಸಾಧ್ಯತೆಗಳಿರುವ ಪ್ರದೇಶಗಳಿಗೆ ಪ್ರಯಾಣಿಸುತ್ತಿದ್ದ ಸಂದರ್ಭದಲ್ಲಿ ಹಳದಿ ಜ್ವರದ ಲಸಿಕೆಯನ್ನು ಶಿಫಾರಸ್ಸು ಮಾಡಲಾಗುತ್ತದೆ.

ಒಂದುವೇಳೆ ನೀವು ಲಸಿಕೆಯನ್ನು(ವ್ಯಾಕ್ಸಿನೇಷನ್) ಮರೆತರೆ ಏನು ಮಾಡಬೇಕು?

ಕ್ಯಾಚ್ ಅಪ್ ಲಸಿಕೆ(ವ್ಯಾಕ್ಸಿನೇಷನ್)

ಒಂದುವೇಳೆ ನೀವು ಯಾವುದೇ ಲಸಿಕೆಗಳನ್ನು ನಿರ್ದಿಷ್ಟ ಸಮಯದಲ್ಲಿ ಹಾಕಿಸುವುದನ್ನು ಮರೆತಾಗ ಕ್ಯಾಚ್ ಅಪ್ ಲಸಿಕೆ(ವ್ಯಾಕ್ಸಿನೇಷನ್) ಗಾಗಿ ನಿಮ್ಮ ವೈದ್ಯರನ್ನು ಭೇಟಿಮಾಡಿ.

ನಿಮಗಿದು ಗೊತ್ತೇ?

ಸಿಡಿಸಿ ಪ್ರಕಾರ, ಹಳದಿ ಜ್ವರ ಇರುವವರಲ್ಲಿ ಸುಮಾರು 30%-60% ರಷ್ಟು ಜನರು ಸಾವನಪ್ಪುತ್ತಾರೆ
ಹಳದಿ ಜ್ವರದಲ್ಲಿರುವ “ಹಳದಿ” ಎಂದರೆ ಕಾಮಾಲೆ ರೋಗ, ಇದು ರೋಗದ ಮಾರಣಾಂತಿಕ ಲಕ್ಷಣಗಳಲ್ಲಿ ಒಂದು.

ಇನ್ನು ತಡ ಮಾಡಬೇಡಿ!

ಹಳದಿ ಜ್ವರದ ಲಸಿಕೆಯ ಕುರಿತು ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ಮಕ್ಕಳ ವೈದ್ಯರನ್ನು ಭೇಟಿ ಮಾಡಿ.

ಹಳದಿ ಜ್ವರ ಎಂದರೇನು?

ಹಳದಿ ಜ್ವರ ರೋಗವು ಒಂದು ಮಾರಣಾಂತಿಕ ವೈರಾಣುವಿನ ಕಾಯಿಲೆಯಾಗಿದ್ದು, ಇದು ಏಡಿಸ್ ಇಜಿಪ್ಟಿ ಎನ್ನುವ ಒಂದು ನಿರ್ದಿಷ್ಟ ವಿಧವಾದ ಸೊಳ್ಳೆಯ ಕಡಿತದಿಂದ ಉಂಟಾಗುತ್ತದೆ. ಈ ಸೊಳ್ಳೆಯಿಂದ ಡೆಂಗ್ಯೂ, ಚಿಕನ್ಗುನ್ಯಾ, ಮತ್ತು ಜಿಕಾ ಜ್ವರ ಉಂಟಾಗುವ ಸಾಧ್ಯತೆ ಇದೆ. ಆರಂಭಿಕ ಹಂತಗಳಲ್ಲಿ ಈ ಜ್ವರವನ್ನು ಪತ್ತೆ ಮಾಡುವುದು ಕಷ್ಟವಾಗಿದ್ದು, ಮಲೇರಿಯಾ ಅಥವಾ ಹೆಪಟೈಟಿಸ್ ಕಾಯಿಲೆಗಳೊಂದಿಗೆ ಹೋಲಿಸುವ ಸಾಧ್ಯತೆಗಳೇ ಹೆಚ್ಚು. ಈ ರೋಗಕ್ಕೆ ಯಾವುದೇ ಸಿದ್ಧ ಔಷಧವಿಲ್ಲ. ಅದಾಗಿಯೂ, ಲಕ್ಷಣಗಳ ನಿರ್ವಹಣೆ ಮತ್ತು ತೀವ್ರ ಲಕ್ಷಣಗಳನ್ನು ಮಿತಿಗೊಳಿಸುವುದರ ಮೂಲಕ ಇದರಿಂದ ಚೇತರಿಸಿಕೊಳ್ಳಲು ಸಾಧ್ಯವಾಗುತ್ತದೆ.

ಹಳದಿ ಜ್ವರ ಹೇಗೆ ಹರಡುತ್ತದೆ?

ಹಳದಿ ಜ್ವರ ವೈರಾಣುವನ್ನು ಹರಡುವ ಸೊಳ್ಳೆಯ ಕಡಿತದ ಮೂಲಕ ಹಳದಿ ಜ್ವರ ಉಂಟಾಗುತ್ತದೆ. ಮನುಷ್ಯರು, ಮಂಗಗಳು ಮತ್ತು ಇವರಿಬ್ಬರ ನಡುವೆ ವೈರಾಣು ಹರಡಬಹುದಾದ ಪ್ರದೇಶಗಳಾದ ಕಾಡುಗಳಲ್ಲಿ, ಮನೆಯ ಸುತ್ತಮುತ್ತಲುಗಳಲ್ಲಿ ಮತ್ತು ನಗರ ಪ್ರದೇಶಗಳಲ್ಲಿ ಏಡಿಸ್ ಮತ್ತು ಹೀಮೊಗೊಗಾಸ್ ಪ್ರಜಾತಿಯ ಸೊಳ್ಳೆಗಳು ವಾಸಿಸುತ್ತವೆ.

ಏಡಿಸ್ ಇಜಿಪ್ಟಿ ಸೊಳ್ಳೆಯು ಮನುಷ್ಯರು ಮತ್ತು ಮಂಗಗಳ ಮೂಲಕ ಈ ವೈರಾಣುವನ್ನು ಪಡೆದುಕೊಳ್ಳುತ್ತದೆ. ಈ ಸೊಳ್ಳೆ ಸೋಂಕಿತ ಮಂಗ ಅಥವಾ ಮನುಷ್ಯನನ್ನು ಕಡಿದಾಗ, ರಕ್ತದೊಂದಿಗೆ ವೈರಾಣುವನ್ನು ಹೀರಿಕೊಂಡಿರುತ್ತದೆ. ಈ ಸೊಂಕಿತ ಸೊಳ್ಳೆ ಇತರ ಯಾವುದೇ ಮನುಷ್ಯ ಅಥವಾ ಮಂಗನನ್ನು ಕಡಿದಾಗ, ವೈರಾಣುವನ್ನು ಅ ವ್ಯಕ್ತಿಯೊಳಗೆ ವರ್ಗಾಯಿಸುತ್ತದೆ ಮತ್ತು ಆ ವ್ಯಕ್ತಿ ಕಾಯಿಲೆಗೆ ತುತ್ತಾಗುತ್ತಾನೆ.

ಹಳದಿ ಜ್ವರವು ಅಂಟು ಕಾಯಿಲೆಯಲ್ಲ ಮತ್ತು ಇದು ಒಬ್ಬರಿಂದ ಒಬ್ಬರಿಗೆ ಮುಟ್ಟುವುದರಿಂದಾಗಲೀ ಅಥವಾ ಸಂಪರ್ಕಕ್ಕೆ ಬಂದಾಗ ಹರಡುವುದಿಲ್ಲ.

ಹಳದಿ ಜ್ವರದ ಸಾಮಾನ್ಯ ಮತ್ತು ಗಂಭೀರ ಲಕ್ಷಣಗಳಾವುವು?

ಸೋಂಕಿತ ಸೊಳ್ಳೆ ಕಡಿದ ವ್ಯಕ್ತಿಯಲ್ಲಿ ಹಳದಿ ಜ್ವರ ಕಾಣಿಸಿಕೊಳ್ಳಲು ಕನಿಷ್ಟ 3 ರಿಂದ 6 ದಿನಗಳು ಬೇಕಾಗಬಹುದು ಮತ್ತು ಈ ಸಮಯದಲ್ಲಿ ವ್ಯಕ್ತಿಯು ಯಾವುದೇ ಲಕ್ಷಣಗಳನ್ನು ಅನುಭವಿಸುವುದಿಲ್ಲ. 3-6 ದಿನಗಳ ನಂತರ, ಆ ವ್ಯಕ್ತಿಗೆ ಸೌಮ್ಯ ಲಕ್ಷಣಗಳು ಶುರುವಾಗಬಹುದು:

ಜ್ವರ
ತಲೆ ನೋವು
ವಾಕರಿಕೆ, ಹಸಿವಿಲ್ಲದಿರುವುದು
ವಾಂತಿ
ಸ್ನಾಯುಗಳ ನೋವು
ಬೆಳಕಿಗೆ ಅಸಹಿಷ್ಣುತೆ
ಕಣ್ಣುಗಳು, ಮುಖ ಮತ್ತು ನಾಲಗೆ ಕೆಂಪಗಾಗುವುದು

ಈ ಲಕ್ಷಣಗಳು ಸಾಮಾನ್ಯವಾಗಿ ಕೆಲವು ದಿನಗಳವರೆಗೆ ಇರುತ್ತದೆ. ಒಂದುವೇಳೆ ಕೆಲವು ದಿನಗಳ ನಂತರ ಲಕ್ಷಣಗಳು ಮತ್ತೆ ಕಾಣಿಸಿಕೊಂಡಲ್ಲಿ ಆಗ ಇದು ವಿಷಕಾರಿ ಹಂತದ ಸ್ವರೂಪ ಪಡೆದುಕೊಳ್ಳುತ್ತದೆ ಮತ್ತು ಮಾರಣಾಂತಿಕವಾಗುತ್ತದೆ. ತೀವ್ರ ಗಂಭೀರ ಪ್ರಕರಣಗಳಲ್ಲಿ, ಈ ಕೆಳಗಿನವುಗಳು ಉಂಟಾಗಬಹುದು:

ಲಿವರ್ ಮತ್ತು ಕಿಡ್ನಿ ವೈಫಲ್ಯ
ಮೂಗು, ಬಾಯಿ ಮತ್ತು ಕಣ್ಣುಗಳಿಂದ ರಕ್ತಸ್ರಾವ
ಕಾಮಾಲೆ
ಹೊಟ್ಟೆ ನೋವು, ವಾಂತಿ, ಕೆಲವೊಮ್ಮೆ ರಕ್ತಸಿಕ್ತ ವಾಂತಿ
ಮೆದುಳಿನ ಕಾರ್ಯಚರಣೆಯಲ್ಲಿ ದೋಷ

ಹಳದಿ ಜ್ವರಕ್ಕಾಗಿ ಮಗು ಲಸಿಕೆಯನ್ನು ಯಾವಾಗ ಪಡೆಯಬೇಕು?

ಸೋಂಕಿರುವ ಮತ್ತು ಸೋಂಕು ಬರುವ ಸಾಧ್ಯತೆಗಳಿರುವ ಪ್ರದೇಶಗಳಿಗೆ ಪ್ರಯಾಣಿಸುತ್ತಿದ್ದ ಸಂದರ್ಭದಲ್ಲಿ ಹಳದಿ ಜ್ವರದ ಲಸಿಕೆ ತೆಗೆದುಕೊಳ್ಳುವುದನ್ನು ಶಿಫಾರಸ್ಸು ಮಾಡಲಾಗಿದೆ.

9 ತಿಂಗಳಿಗಿಂತ ಮೇಲ್ಪಟ್ಟ ಮಕ್ಕಳು ಹಳದಿ ಜ್ವರದ ಲಸಿಕೆಯನ್ನು ಪಡೆಯಬಹುದು.

ಅದಾಗಿಯೂ, ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ವೈದ್ಯರನ್ನು ಒಮ್ಮೆ ಸಂಪರ್ಕಿಸಿ.

ಹಳದಿ ಜ್ವರದ ಲಸಿಕೆಯಿಂದ ಉಂಟಾಗುವ ಸಾಮಾನ್ಯ ಅಡ್ಡ ಪರಿಣಾಮಗಳು ಯಾವುವು?

ಹಳದಿ ಜ್ವರದ ಲಸಿಕೆಯ ಸಂಭಾವ್ಯ ಅಡ್ಡ ಪರಿಣಾಮಗಳೆಂದರೆ, ಜ್ವರ, ಸ್ನಾಯುಗಳ ನೋವು ಮತ್ತು ಚುಚ್ಚುಮದ್ದು ನೀಡಿದ ಜಾಗದಲ್ಲಿ ಊತ ಅಥವಾ ನೋವು ಇರುತ್ತದೆ.

ಒಂದುವೇಳೆ ಅಡ್ಡ ಪರಿಣಾಮಗಳು ಕಂಡುಬಂದಲ್ಲಿ, ದಯವಿಟ್ಟು ನಿಮ್ಮ ವೈದ್ಯರನ್ನು ಭೇಟಿ ಮಾಡಿ.

ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು

ಹಳದಿ ಜ್ವರಕ್ಕೆ ಚಿಕಿತ್ಸೆ ಇದೆಯೇ?

ಹಳದಿ ಜ್ವರಕ್ಕಾಗಿ ಯಾವುದೇ ನಿರ್ದಿಷ್ಟ ಚಿಕಿತ್ಸೆ ಇಲ್ಲ. ಅದಾಗಿಯೂ, ಲಕ್ಷಣಗಳಿಗೆ ಚಿಕಿತ್ಸೆ ನೀಡುವ ಮೂಲಕ ಇದನ್ನು ಗುಣಪಡಿಸಬಹುದು ಮತ್ತು ಲಸಿಕೆಯಿಂದ ತಡೆಗಟ್ಟಬಹುದು.

ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಫಾರ್ಮಾಸ್ಯುಟಿಕಲ್ಸ್ ಲಿಮಿಟೆಡ್‌ನಿಂದ ಸಾರ್ವಜನಿಕ ಜಾಗೃತಿ ಉಪಕ್ರಮ. ಡಾ. ಅನ್ನಿ ಬೆಸೆಂಟ್ ರಸ್ತೆ, ವರ್ಲಿ, ಮುಂಬೈ 400 030, ಭಾರತ.

ಈ ಕೈಪಿಡಿಯಲ್ಲಿ ಸಿಗುವ ಮಾಹಿತಿಯು ಕೇವಲ ಸಾಮಾನ್ಯ ಜಾಗೃತಿ ಉದ್ದೇಶಗಳಿಗಾಗಿ ಮಾತ್ರ ಆಗಿರುತ್ತದೆ. ಇದರಲ್ಲಿರುವ ಯಾವುದೇ ವಿಷಯವು ವೈದ್ಯರ ಸಲಹೆಯಲ್ಲ. ಇದಕ್ಕೆ ಸಂಬಂಧಿಸಿದಂತೆ ಯಾವುದೇ ವೈದ್ಯಕೀಯ ಸಂಬಂಧಿತ ವಿಚಾರಣೆಗಳಿಗಾಗಿ, ಯಾವುದೇ ಪ್ರಶ್ನೆಗಳಿಗಾಗಿ ಅಥವಾ ಸಂದೇಹಗಳಿಗಾಗಿ ನಿಮ್ಮ ವೈದ್ಯರನ್ನು ಭೇಟಿಯಾಗಿ. ಲಸಿಕೆಗೆ ಪಟ್ಟಿ ಮಾಡಿರುವ ಕಾಯಿಲೆಗಳು ಇಲ್ಲಿ ಪೂರ್ಣವಾಗಿಲ್ಲ, ಸಂಪೂರ್ಣ ಲಸಿಕಾ ವೇಳಾಪಟ್ಟಿಗಾಗಿ ನಿಮ್ಮ ಮಗುವಿನ ವೈದ್ಯರನ್ನು ಭೇಟಿ ಮಾಡಿ. ಈ ಕೈಪಿಡಿಯಲ್ಲಿ ತೋರಿಸಲಾಗುವ ವೈದ್ಯರು ಕೇವಲ ಪ್ರಾತಿನಿಧ್ಯ ಉದ್ದೇಶಗಳಿಗಾಗಿ ಮಾತ್ರ ಮತ್ತು ವೃತ್ತಿಯಲ್ಲಿ ಒಬ್ಬ ನಟ ಆಗಿರುತ್ತಾರೆ. ರೋಗ ಪ್ರತಿನಿಧಿಸುವ ಚಿತ್ರಗಳು/ ಐಕಾನ್ ಗಳು ಮತ್ತು ಅನಿಮೇಷನ್ ಕೇವಲ ಪ್ರಾತಿನಿಧ್ಯ ಉದ್ದೇಶಗಳಿಗಾಗಿ ಮಾತ್ರ.

ನಿಮ್ಮ ಮಗುವಿನ ರಕ್ಷಣೆಯಲ್ಲಿನ ಅಂತರಗಳನ್ನು ಗುರುತಿಸಿ

ನಿಮ್ಮ ಮಗುವಿನ ಮರೆತಿರುವ ಲಸಿಕೆಯನ್ನು ನೋಡಲು ಒಂದು ವಯಕ್ತಿಕಗೊಳಿಸಲಾದ ಟೈಮ್ ಲೈನ್ ರಚಿಸಿ *

ಈಗಲೇ ಬಳಸಲು ಆರಂಭಿಸಿ >

ನಮ್ಮನ್ನು ಸಂಪರ್ಕಿಸಿ

ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಫಾರ್ಮಾಸ್ಯುಟಿಕಲ್ಸ್
252, ಡಾ. ಅನ್ನಿ ಬೆಸೆಂಟ್ ರಸ್ತೆ, ವರ್ಲಿ,
ಮುಂಬೈ-400030, ಭಾರತ.

2021(c) ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಫಾರ್ಮಾಸ್ಯುಟಿಕಲ್ಸ್ ಲಿಮಿಟೆಡ್. ಎಲ್ಲಾ ಹಕ್ಕುಗಳ ಮೀಸಲು
ಗೌಪ್ಯತಾ ನೀತಿ | ಕುಕೀಸ್ ನೀತಿ | ಹಕ್ಕು ನಿರಾಕರಣೆ

ಹಕ್ಕು ನಿರಾಕರಣೆ:
ಈ ವೆಬ್ಸೈಟ್ ಭಾರತೀಯ ನಿವಾಸಿಗಳಿಗೆ ಮಾತ್ರ.
ಇಲ್ಲಿ ಉಲ್ಲೇಖಿಸಲಾದ ರೋಗಗಳ ಪಟ್ಟಿಯು ಐಎಪಿ(ಇಂಡಿಯನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್) ಅವರ ದಿನನಿತ್ಯದ ಮತ್ತು ಕ್ಯಾಚ್‌ಅಪ್ ಲಸಿಕೆ(ವ್ಯಾಕ್ಸಿನೇಷನ್) ಶಿಫಾರಸುಗಳಲ್ಲಿ ತಡೆಗಟ್ಟಬಹುದಾದ ರೋಗಗಳ ಪಟ್ಟಿಯಲ್ಲಿ ಸೇರಿಕೊಂಡಿರುವ ಕಾಯಿಲೆಗಳು. ಈ ಪಟ್ಟಿಯ ಹೊರತಾಗಿರುವ ಕಾಯಿಲೆಗಳು ನಿಮ್ಮ ಮಗುವಿನ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇರುತ್ತದೆ. ಹೆಚ್ಚಿನ ಮಾಹಿತಿಗಾಗಿ ದಯವಿಟ್ಟು ನಿಮ್ಮ ಮಕ್ಕಳ ವೈದ್ಯರನ್ನು ಸಂಪರ್ಕಿಸಿ.
ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಫಾರ್ಮಾಸ್ಯುಟಿಕಲ್ಸ್ ಲಿಮಿಟೆಡ್‌ನಿಂದ ಸಾರ್ವಜನಿಕ ಜಾಗೃತಿ ಉಪಕ್ರಮ. ಡಾ. ಅನ್ನಿ ಬೆಸೆಂಟ್ ರಸ್ತೆ, ವರ್ಲಿ, ಮುಂಬೈ 400 030, ಭಾರತ ಈ ಕೈಪಿಡಿಯಲ್ಲಿ ಸಿಗುವ ಮಾಹಿತಿಯು ಕೇವಲ ಸಾಮಾನ್ಯ ಜಾಗೃತಿ ಉದ್ದೇಶಗಳಿಗಾಗಿ ಮಾತ್ರ ಆಗಿರುತ್ತದೆ. ಇದರಲ್ಲಿರುವ ಯಾವುದೇ ವಿಷಯವು ವೈದ್ಯರ ಸಲಹೆಯಲ್ಲ. ಇದಕ್ಕೆ ಸಂಬಂಧಿಸಿದಂತೆ ಯಾವುದೇ ವೈದ್ಯಕೀಯ ಸಂಬಂಧಿತ ವಿಚಾರಣೆಗಳಿಗಾಗಿ, ಯಾವುದೇ ಪ್ರಶ್ನೆಗಳಿಗಾಗಿ ಅಥವಾ ಸಂದೇಹಗಳಿಗಾಗಿ ನಿಮ್ಮ ವೈದ್ಯರನ್ನು ಭೇಟಿಯಾಗಿ. ಲಸಿಕೆಗೆ ಪಟ್ಟಿ ಮಾಡಿರುವ ಕಾಯಿಲೆಗಳು ಇಲ್ಲಿ ಪೂರ್ಣವಾಗಿಲ್ಲ, ಸಂಪೂರ್ಣ ಲಸಿಕಾ ವೇಳಾಪಟ್ಟಿಗಾಗಿ ನಿಮ್ಮ ಮಗುವಿನ ವೈದ್ಯರನ್ನು ಭೇಟಿ ಮಾಡಿ. ಈ ಕೈಪಿಡಿಯಲ್ಲಿ ತೋರಿಸಲಾಗುವ ವೈದ್ಯರು ಕೇವಲ ಪ್ರಾತಿನಿಧ್ಯ ಉದ್ದೇಶಗಳಿಗಾಗಿ ಮಾತ್ರ ಮತ್ತು ವೃತ್ತಿಯಲ್ಲಿ ಒಬ್ಬ ನಟ ಆಗಿರುತ್ತಾರೆ.
ಸಿಎಲ್ ಕೋಡ್: NP-IN-ABX-WCNT-210003, DoP ಡಿಸೆಂಬರ್ 2021

ಹಂಚಿರಿ