ಕ್ಷಯರೋಗ
ರೋಗ ಮತ್ತು ವ್ಯಾಕ್ಸಿನೇಷನ್

ಸಾಮಾನ್ಯವಾಗಿ ಬಿಸಿಜಿ ಲಸಿಕೆಯನ್ನು ಹಾಕಿಸಿದಾಗ ಯಾವುದೇ ಅಡ್ಡಪರಿಣಾಮಗಳು ಕಂಡುಬರುವುದಿಲ್ಲ. ಕಂಡು ಬರುವ ಹೆಚ್ಚಿನ ಅಡ್ಡ ಪರಿಣಾಮಗಳು ಚರ್ಮಕ್ಕೆ ಸಂಬಂಧಿಸಿದ್ದಾಗಿರುತ್ತದೆ.

ಅಡ್ಡ ಪರಿಣಾಮಗಳ ಕುರಿತು ಹೆಚ್ಚಿನ ವಿವರಗಳನ್ನು ಪಡೆಯುವುದಕ್ಕಾಗಿ ದಯವಿಟ್ಟು ನಿಮ್ಮ ವೈದ್ಯರನ್ನು ಭೇಟಿಯಾಗಿ.

ಮಗು ಜನಿಸಿದ ತಕ್ಷಣವೇ 1 ಡೋಸ್ ನೀಡಬೇಕು

ಕ್ಯಾಚ್ ಅಪ್ ಡೋಸ್ ಅನ್ನು 6 ವಾರಗಳಿಂದ ಹಿಡಿದು 4-5 ವರ್ಷಗಳವರೆಗೆ ಯಾವಾಗಲಾದರೂ ತೆಗೆದುಕೊಳ್ಳಬಹುದು.

ಆದಾಗಿಯೂ ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ವೈದ್ಯರನ್ನು ಒಮ್ಮೆ ಭೇಟಿಯಾಗಿ.

ಕ್ಷಯ ರೋಗದೊಂದಿಗೆ ಸಂಬಂಧಿಸಿದ ಸಾಮಾನ್ಯ ಲಕ್ಷಣಗಳೆಂದರೆ ಕೆಮ್ಮುವುದು ಮತ್ತು ಎದೆ ನೋವು. ಸೋಂಕಿನ ಶ್ವಾಸಕೋಶವನ್ನು ಹೊಂದಿರುವ ವ್ಯಕ್ತಿಯಲ್ಲಿ ಕಂಡು ಬರುವ ಇತರ ಲಕ್ಷಣಗಳೆಂದರೆ:
ಕೆಮ್ಮುವಾಗ ರಕ್ತ ಅಥವಾ ಕಫ ಬರುವುದು

• ಜ್ವರ
• ಆಯಾಸ ಅಥವಾ ಸುಸ್ತು
• ಹಸಿವು ಇಲ್ಲದಿರುವುದು
• ತೂಕ ಕಡಿಮೆಯಾಗುವುದು
  

ಟ್ಯುಬರ್ಕುಲೋಸಿಸ್ ಅಥವಾ ಕ್ಷಯ ಒಂದು ಗಾಳಿಯಿಂದ ಹರಡಬಲ್ಲ ಕಾಯಿಲೆಯಾಗಿದೆ. ಒಬ್ಬ ಆರೋಗ್ಯಕರ ವ್ಯಕ್ತಿಯು ಕ್ಷಯ ರೋಗಿಯೊಂದಿಗೆ ಸಂಪರ್ಕಕ್ಕೆ ಬಂದಾಗ ಮತ್ತು ಸೋಂಕಿತ ಗಾಳಿಯನ್ನು ಉಸಿರಾಡಿದಾಗ ಅವರಲ್ಲಿಯೂ ಸಹ ಸೋಂಕು ಕಾಣಿಸಿಕೊಳ್ಳಬಹುದು. ಬ್ಯಾಕ್ಟೀರಿಯಾ ದೇಹದ ಅನೇಕ ಅಂಗಾಂಗಳ ಮೇಲೆ ಪರಿಣಾಮ ಬೀರಿದರೂ ಸಹ ಗಂಟಲು ಅಥವಾ ಶ್ವಾಸಕೋಶದಲ್ಲಿದ್ದಾಗ ಹೆಚ್ಚು ಸಾಂಕ್ರಾಮಿಕವಾಗಿರುತ್ತದೆ.

ಟಿಬಿ ಸಾಮಾನ್ಯವಾಗಿ ಸೋಂಕಿತ ವ್ಯಕ್ತಿಯನ್ನು ಮುಟ್ಟಿದಾಗ ಅಥವಾ ಸ್ಪರ್ಶಿಸಿದಾಗ ಹರಡುವುದಿಲ್ಲ. ಆಹಾರ ಅಥವಾ ಪಾನೀಯಗಳನ್ನು ಹಂಚಿಕೊಳ್ಳುವುದರಿಂದ ಸಾಮಾನ್ಯವಾಗಿ ಹರಡುವುದಿಲ್ಲ. ಆದಾಗಿಯೂ, ಟಿಬಿ ರೋಗವು ಸೋಂಕಿತ ವ್ಯಕ್ತಿ ಇರುವ ಸ್ಥಳವನ್ನು ಹೆಚ್ಚು ಸಮಯದವರೆಗೆ ಹಂಚಿಕೊಳ್ಳುವುದರಿಂದ ಉಂಟಾಗುತ್ತದೆ.

ಟ್ಯುಬರ್ಕುಲೋಸಿಸ್ ಅಥವಾ ಕ್ಷಯ ಒಂದು ರೀತಿಯ ಸೋಂಕಾಗಿದ್ದು ಇದು ಮೈಕೋ ಬ್ಯಾಕ್ಟೀರಿಯಂ ಟ್ಯುಬರ್ಕುಲೋಸಿಸ್ ನಿಂದ ಉಂಟಾಗುತ್ತದೆ. ಇದು ಸಾಮಾನ್ಯವಾಗಿ ಶ್ವಾಸಕೋಶಗಳ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಅಲ್ಲಿಂದ ಸುಲಭವಾಗಿ ಹರಡುತ್ತದೆ ಆದರೆ ಇದು ಬೆನ್ನೆಲುಬು, ಮೂತ್ರಪಿಂಡಗಳು ಹಾಗೂ ಮೆದುಳಿನ ಮೇಲೆಯೂ ಸಹ ಪರಿಣಾಮ ಬೀರಬಹುದು. ಈ ಬ್ಯಾಕ್ಟೀರಿಯಾ ಯಾರಿಗಾದರೂ ಸೋಂಕು ತಗುಲಬಹುದಾದರೂ, ಶ್ವಾಸಕೋಶಗಳು ಸೋಂಕಿಗೆ ಒಳಗಾಗದಿದ್ದರೆ ರೋಗಲಕ್ಷಣಗಳು ಕಾಣಿಸುವುದಿಲ್ಲ.