ದಡಾರ ರೋಗ ಮತ್ತು ವ್ಯಾಕ್ಸಿನೇಷನ್

ಅನೇಕ ಮಕ್ಕಳು ಲಸಿಕೆಯ ನಂತರ ಯಾವುದೇ ಅಡ್ಡ ಪರಿಣಾಮಗಳನ್ನು ಹೊಂದಿಲ್ಲ. ಒಂದುವೇಳೆ ಅಡ್ಡಪರಿಣಾಮಗಳಿದ್ದರೆ ಅವು ಸೌಮ್ಯ ರೂಪದ್ದಾಗಿರುತ್ತದೆ ಮತ್ತು ಅವುಗಳೆಂದರೆ:

• ಸೂಜಿ ಚುಚ್ಚಿದ ಸ್ಥಳದಲ್ಲಿ ನೋವು, ಊತ ಮತ್ತು ಕೆಂಪಗಾಗುವುದು
• ಜ್ವರ
• ಸಣ್ಣ ದದ್ದುಗಳು
• ತಾತ್ಕಾಲಿಕ ನೋವು ಮತ್ತು ಕೀಲುಗಳಲ್ಲಿ ಬಿಗಿತ

ಅಪರೂಪವಾಗಿ, ಅಡ್ಡಪರಿಣಾಮಗಳಲ್ಲಿ ತೀವ್ರ ಜ್ವರ ಇರುತ್ತದೆ ಮತ್ತು ಮೂರ್ಛೆರೋಗಕ್ಕೆ ಕಾರಣವಾಗುತ್ತದೆ.

ಅಡ್ಡ ಪರಿಣಾಮಗಳ ಕುರಿತು ಹೆಚ್ಚಿನ ವಿವರಗಳನ್ನು ಪಡೆಯಲು ನಿಮ್ಮ ವೈದ್ಯರನ್ನು ಭೇಟಿಮಾಡಿ.

ಮಕ್ಕಳು ಮೂರು ಡೋಸ್ ಗಳನ್ನು ಪಡೆಯಬೇಕು:

• 9 ತಿಂಗಳುಗಳಲ್ಲಿ 1ನೆಯ ಡೋಸ್
• 15 ತಿಂಗಳುಗಳಲ್ಲಿ 2ನೆಯ ಡೋಸ್
• 4-6 ವರ್ಷಗಳ ನಡುವೆ 3ನೆಯ ಡೋಸ್

3ನೆಯ ಡೋಸ್ ಅನ್ನು ಎರಡನೆಯ ಡೋಸ್ ಹಾಕಿಸಿದ 8 ವಾರಗಳ ನಂತರ ಯಾವುದೇ ಸಮಯದಲ್ಲಿ ಹಾಕಿಸಬಹುದು.

ಕ್ಯಾಚ್-ಅಪ್ ವ್ಯಾಕ್ಸಿನೇಷನ್(ಲಸಿಕೆ)

ಈ ಹಿಂದೆ ಮಂಪ್ಸ್ ಲಸಿಕೆ(ವ್ಯಾಕ್ಸಿನೇಷನ್) ಪಡೆಯದ ಶಾಲೆಗೆ ಹೋಗುವ ಎಲ್ಲಾ ಮಕ್ಕಳು ಮತ್ತು ಹದಿಹರೆಯದವರು 2 ಡೋಸ್ ಗಳನ್ನೂ ಪಡೆಯಬೇಕು

ಒಂದುವೇಳೆ ಒಮ್ಮೆ ಲಸಿಕೆಯನ್ನು ಪಡೆದುಕೊಂಡಿದ್ದರೆ, ಕೇವಲ ಒಂದು ಡೋಸ್ ನೀಡಿದರೆ ಸಾಕು

2 ಡೋಸ್ ಗಳ ನಡುವಿನ ಅಂತರವು 4 ವಾರಗಳು ಇರಬೇಕು

ಆದಾಗಿಯೂ, ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ವೈದ್ಯರನ್ನು ಭೇಟಿಯಾಗಿ

ಮೀಸಲ್ಸ್ ನ ಮೊದಲ ಲಕ್ಷಣವೆಂದರೆ ಅಧಿಕ ಜ್ವರ ಮತ್ತು ಇತರ ಲಕ್ಷಣಗಳೆಂದರೆ :

ಮುಖ, ಮೇಲ್ಭಾಗದ ಕುತ್ತಿಗೆಯಿಂದ ಕೈಕಾಲುಗಳಿಗೆ ಹರಡುವ ಸಣ್ಣ ಗುಳ್ಳೆಗಳು

ಕೆಮ್ಮು

ಸೋರುವ ಮೂಗು

ಕಣ್ಣು ಕೆಂಪಗಾಗುವುದು ಮತ್ತು ನೀರು ಬರುವುದು

ಕೆನ್ನೆಗಳ ಒಳಗೆ ಸಣ್ಣ ಬಿಳಿಯ ಚುಕ್ಕಿಗಳು

ಸಾಮಾನ್ಯವಾಗಿ 5 ವರ್ಷಗಳಿಗಿಂತ ಚಿಕ್ಕ ವಯಸ್ಸಿನ ಮಕ್ಕಳಲ್ಲಿ ಅಥವಾ 30 ವರ್ಷಕ್ಕಿಂತ ಮೇಲ್ಪಟ್ಟ ವಯಸ್ಕರಲ್ಲಿ ಗಂಭೀರ ಸಮಸ್ಯೆಗಳು ಕಾಣಿಸುತ್ತದೆ. ಈ ಗಂಭೀರ ಸಮಸ್ಯೆಗಳೆಂದರೆ:

ಕುರುಡುತನ

ಎನ್ಸೆಫಲೈಟಿಸ್ (ಮೆದುಳು ಊತಕ್ಕೆ ಕಾರಣವಾಗುವ ಸೋಂಕು)

ತೀವ್ರ ಭೇದಿ ಮತ್ತು ಸಂಬಂಧಿತ ನಿತ್ರಾಣ

ಕಿವಿ ಸೋಂಕುಗಳು ಅಥವಾ ನ್ಯುಮೋನಿಯಾ ರೀತಿಯ ತೀವ್ರ ಶ್ವಾಸಕೋಶ ಸೋಂಕುಗಳು

ಮೀಸಲ್ಸ್ ಸೋಂಕಿತ ವ್ಯಕ್ತಿಯಿಂದ ಮತ್ತೊಬ್ಬ ವ್ಯಕ್ತಿಗೆ ಸೋಂಕಿತ ಶ್ವಾಸಕೋಶದ ಹನಿಗಳಿಂದ ಕೆಮ್ಮುವಾಗ ಮತ್ತು ಸೀನುವಾಗ ಅಥವಾ ನೇರ ಸಂಪರ್ಕದಿಂದ ಹರಡುತ್ತದೆ.

ಮೀಸಲ್ಸ್ ಅಥವಾ ದಡಾರ ರೋಗವು ಅತಿ ಸಾಂಕ್ರಾಮಿಕ, ಗಂಭೀರ ವೈರಾಣುವಿನ ರೋಗವಾಗಿದ್ದು ಇದು ಮುಖ್ಯವಾಗಿ ಶ್ವಾಸಕೋಶ ನಾಳಕ್ಕೆ ಸೋಂಕು ತಗಲುತ್ತದೆ ಮತ್ತು ದೇಹಾದ್ಯಂತ ಹರಡುತ್ತದೆ.