ಮೆನಿಂಗೊಕೊಕಲ್ ಮೆನಿಂಜೈಟಿಸ್
ರೋಗ ಮತ್ತು ವ್ಯಾಕ್ಸಿನೇಷನ್

ಮೆನಿಂಗೊಕೋಕಲ್ ಲಸಿಕೆಯನ್ನು ಹಾಕಿಸಿದ ನಂತರ ಕಂಡು ಬರುವ ಸಾಮಾನ್ಯ ಅಡ್ಡ ಪರಿಣಾಮಗಳೆಂದರೆ:

• ಸೂಜಿ ಹಾಕಿದ ಜಾಗದಲ್ಲಿ ನೋವು
• ಸೂಜಿ ಹಾಕಿದ ಜಾಗದಲ್ಲಿ ಊತ ಅಥವಾ ಕೆಂಪಗಾಗುವುದು
• ಜ್ವರ
• ತಲೆನೋವು

ಅಡ್ಡ ಪರಿಣಾಮಗಳ ಕುರಿತು ಹೆಚ್ಚಿನ ವಿವರಗಳಿಗಾಗಿ ದಯವಿಟ್ಟು ನಿಮ್ಮ ವೈದ್ಯರನ್ನು ಸಂಪರ್ಕಿಸಿ

ಇಂಡಿಯನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್(2020-21) ಪ್ರಕಾರ ಮೆನಿಂಗೊಕೋಕಲ್ ಲಸಿಕೆ(ವ್ಯಾಕ್ಸಿನೇಷನ್) ಅಧಿಕ ಅಪಾಯವಿರುವ ಮಕ್ಕಳ ಗುಂಪಿಗೆ ಶಿಫಾರಸ್ಸು ಮಾಡಲಾಗಿದೆ.

• 9 ತಿಂಗಳುಗಳಿಂದ 2 ವರ್ಷಗಳ ಮಗುವಿಗಾಗಿ, 2 ಡೋಸ್, 3 ತಿಂಗಳಿಗೊಮ್ಮೆ #
• 2 ವರ್ಷಕ್ಕಿಂತ ಮೇಲ್ಪಟ್ಟ ಮಕ್ಕಳಿಗೆ ಒಂದು ಡೋಸ್*
• *#ದಯವಿಟ್ಟು ಗಮನಿಸಿ, ವಿವಿಧ ಉತ್ಪಾದಕರ ಮೆನಿಂಗೊಕೋಕಲ್ ಲಸಿಕೆಗಳು ಮಕ್ಕಳು ಮತ್ತು ಆಯಾ ವಯಸ್ಸುಗಳಿಗಾಗಿ ವಿಭಿನ್ನ ಅನುಮೋದನೆಗಳನ್ನು ನೀಡುತ್ತದೆ. ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ಮಕ್ಕಳ ತಜ್ಞರನ್ನು ಒಮ್ಮೆ ಭೇಟಿ ಮಾಡಿ.

ಮೆನಿಂಗೊಕೋಕಲ್ ಮೆನಿಂಜೈಟಿಸ್ ಪ್ರಾಥಮಿಕವಾಗಿ ಮೆದುಳು ಹಾಗೂ ಮೆದುಳು ಬಳ್ಳಿಯ ಪದರದ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಊತ ಉಂಟಾಗುತ್ತದೆ. ಅದಾಗಿಯೂ ಸೋಂಕಿನ ತೀವ್ರತೆಯನ್ನು ಆಧರಿಸಿ ಲಕ್ಷಣಗಳೂ ಬದಲಾಗುತ್ತವೆ. ಕೆಲವು ಸಾಮಾನ್ಯ ಲಕ್ಷಣಗಳೆಂದರೆ:

• ಜ್ವರ
• ತಲೆನೋವು
• ವಾಕರಿಕೆ
• ವಾಂತಿ
• ಕುತ್ತಿಗೆ ನೋವು
• ಗೊಂದಲದ ಮಾನಸಿಕ ಸ್ಥಿತಿ
• ಫೋಟೋಫೋಬಿಯಾ (ಬೆಳಕಿಗೆ ತೀಕ್ಷ್ಣತೆ)

ಸೋಂಕಿನ ತೀವ್ರ ರೂಪಗಳಲ್ಲಿ ಮೆನಿಂಗೊಕೋಕಲ್ ಸೆಪ್ಟಿಸಿಮಿಯಾ ಕೂಡ ಒಂದಾಗಿದೆ. ಇದರಲ್ಲಿ ಗಾಢ ನೇರಳೆ ಬಣ್ಣದ ದದ್ದು ಕಾಣಿಸಿಕೊಳ್ಳುತ್ತದೆ ಮತ್ತು ತ್ವರಿತ ಹೃದಯ ವೈಫಲ್ಯ ಉಂಟಾಗಿ ಸಾವು ಸಂಭವಿಸುತ್ತದೆ.

ಗಂಭೀರ ಪರಿಣಾಮಗಳು

ಆರಂಭಿಕ ರೋಗನಿರ್ಣಯವಾದರೂ ಸಹ, ಸುಮಾರು 8%_ 15% ರೋಗಿಗಳು ಸೋಂಕಿನ ಮೊದಲ 24 ರಿಂದ 48 ಗಂಟೆಗಳಲ್ಲಿ ಸಾಯುತ್ತಾರೆ.

ಪ್ರತಿ 5 ರಲ್ಲಿ ಒಬ್ಬ ವ್ಯಕ್ತಿಯು ಕಿವುಡು, ನರಮಂಡಲ ವ್ಯವಸ್ಥೆಯಲ್ಲಿನ ಸಮಸ್ಯೆಗಳು, ಮೆದುಳಿನ ಹಾನಿ ರೀತಿಯ ಗಂಭೀರ ಸಮಸ್ಯೆಗಳು ಉಂಟಾಗಬಹುದು.

ಪ್ರಾಥಮಿಕವಾಗಿ ಬ್ಯಾಕ್ಟೀರಿಯಾ ವ್ಯಕ್ತಿಯಿಂದ ವ್ಯಕ್ತಿಗೆ ಹರಡುತ್ತದೆ. ಒಬ್ಬ ಸೋಂಕಿತ ವ್ಯಕ್ತಿಯೊಂದಿಗಿನ ಹತ್ತಿರದ ಅಥವಾ ದೀರ್ಘಸಮಯದ ಸಂಪರ್ಕದಿಂದ ಶ್ವಾಸಕೋಶ ಅಥವಾ ಗಂಟಲಿನ ದ್ರವಗಳಿಂದ ಸೋಂಕನ್ನು ಹರಡಬಹುದು. ಗಾಳಿಯಾಡದ ಮನೆಗಳು, ಧೂಮಪಾನ, ಚುಂಬನ ನೀಡುವುದು, ಯಾವುದೇ ವ್ಯಕ್ತಿಯ ಹತ್ತಿರದಲ್ಲಿ ಸೀನುವುದು ಅಥವಾ ಕೆಮ್ಮುವುದು ಮಾಡಿದರೆ ಸೋಂಕು ಹರಡುತ್ತದೆ. ಸಾಮೂಹಿಕ ಕೂಟಗಳಲ್ಲಿ ಸೋಂಕಿನ ಹರಡುವಿಕೆಯ ಅಪಾಯ ಹೆಚ್ಚಿರುತ್ತದೆ.

ಮೆನಿಂಜೈಟಿಸ್ ಬ್ಯಾಕ್ಟೀರಿಯಾ, ಶಿಲಿಂಧ್ರ ಅಥವಾ ವಿವಿಧ ವಿಧಗಳ ವೈರಾಣುಗಳಿಂದ ಉಂಟಾದರೂ ಸಹ ಮೆನಿಂಗೊಕೋಕಲ್ ಮೆನಿಂಜೈಟಿಸ್ ರೋಗವು ನೈಸೆರಿಯಾ ಮೆನಿಂಜಿಟಿಡಿಸ್ ನಿಂದ ಉಂಟಾಗುತ್ತದೆ. ಮೆನಿಂಗೊಕೋಕೈ ಎಂದು ಕರೆಯಲ್ಪಡುವ ಬ್ಯಾಕ್ಟೀರಿಯಾ ಮೆನಿಂಜೈಟಿಸ್ ಹೊರತುಪಡಿಸಿ ಸೆಪ್ಸಿಸ್, ನ್ಯೂಮೋನಿಯಾ, ಆರ್ಥ್ರಿರೈಟಿಸ್(ಸಂಧಿವಾತ), ಮಯೋಕಾರ್ಡಿಟೈಸ್ ಮತ್ತು ಇತರ ವೈದ್ಯಕೀಯ ಸ್ಥಿತಿಗಳಿಗೆ ಕಾರಣವಾಗುತ್ತದೆ. ಇದನ್ನು ಹೀಗೆಯೇ ಬಿಟ್ಟರೆ ಇದರಿಂದ ತೀವ್ರ ಮೆದುಳು ಹಾನಿ ಉಂಟಾಗುತ್ತದೆ ಮತ್ತು ಮಾರಣಾಂತಿಕವಾಗುತ್ತದೆ.