ಹೆಪಾಟೈಟಿಸ್ ಬಿ
ರೋಗ ಮತ್ತು ವ್ಯಾಕ್ಸಿನೇಷನ್

ಹೆಪಾಟೈಟಿಸ್ ಬಿ ಲಸಿಕೆ(ವ್ಯಾಕ್ಸಿನೇಷನ್) ಹಾಕಿಸಿದ ನಂತರ ಕಂಡುಬರುವ ಕೆಲವು ಸಾಮಾನ್ಯ ಅಡ್ಡ ಪರಿಣಾಮಗಳು ಈ ಕೆಳಗಿನಂತಿವೆ ಆದರೆ ಇವು ಇಷ್ಟಕ್ಕೆ ಸೀಮಿತವಾಗಿರುವುದಿಲ್ಲ:

• ತಲೆನೋವು
• ಜ್ವರ
• ಸೂಜಿ ಚುಚ್ಚಿದ ಜಾಗದಲ್ಲಿ ಕೆಂಪಾಗುವುದು ಅಥವಾ ನೋವು ಬರುವುದು

ಅಡ್ಡ ಪರಿಣಾಮಗಳ ಕುರಿತು ಹೆಚ್ಚು ಮಾಹಿತಿಯನ್ನು ಪಡೆಯಲು ದಯವಿಟ್ಟು ನಿಮ್ಮ ವೈದ್ಯರನ್ನು ಭೇಟಿಮಾಡಿ.

ಹೆಪಾಟೈಟಿಸ್ ಬಿ ಲಸಿಕೆ ವೇಳಾಪಟ್ಟಿಯು ಅನೇಕ ಆಯ್ಕೆಗಳನ್ನು ನೀಡುತ್ತದೆ ಹಾಗಾಗಿ ನಿರಾಳವಾಗಿ ಹಾಕಿಸಬಹುದು.
ಅದು ಹೇಗೆಂದರೆ :
ಜನನ, 6 ಮತ್ತು 14 ವಾರಗಳಲ್ಲಿ
ಜನನ, 6 ವಾರಗಳು, 6 ತಿಂಗಳುಗಳು
ಜನನ, 6 ವಾರಗಳು, 10 ವಾರಗಳು, 14 ವಾರಗಳು
ಹೆಪಾಟೈಟಿಸ್ ಬಿ ಲಸಿಕೆಗಳು ಒಂದೇ ಆಗಿ ಅಥವಾ ಸಂಯೋಜಿತ ಲಸಿಕೆಯಾಗಿ ಬರುತ್ತದೆ. ಒಂದುವೇಳೆ ಯಾವುದೇ ಡೋಸ್ ತಪ್ಪಿಸಿದಲ್ಲಿ ವೈದ್ಯರು ತಿಳಿಸಿದಂತೆ ಕ್ಯಾಚ್-ಅಪ್ ಲಸಿಕೆ(ವ್ಯಾಕ್ಸಿನೇಷನ್) ಪಡೆದುಕೊಳ್ಳಬಹುದು.
ಅದಾಗಿಯೂ, ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ವೈದ್ಯರನ್ನು ಭೇಟಿ ಮಾಡಿ.

ಸೋಂಕು ಉಂಟಾದ ಆರಂಭದ ಕೆಲವು ದಿನಗಳಲ್ಲಿ ಯಾವುದೇ ಲಕ್ಷಣಗಳು ಕಾಣಿಸಿಕೊಳ್ಳದೇ ಇರಬಹುದು. ತೀವ್ರ ವಿಧದ ಕಾಯಿಲೆಯಲ್ಲಿ ಈ ಕೆಳಗಿನ ಲಕ್ಷಣಗಳನ್ನು ಕಾಣಬಹುದು:
ಕಾಮಾಲೆ (ಚರ್ಮ ಮತ್ತು ಕಣ್ಣು ಹಳದಿ ಬಣ್ಣಕ್ಕೆ ತಿರುಗುವುದು)
ವಾಂತಿ
ಕಿಬ್ಬೊಟ್ಟೆ ನೋವು
ವಾಕರಿಕೆ (ಹೊಟ್ಟೆಯಲ್ಲಿ ಅಸಮಾಧಾನ)
ಆಯಾಸ (ಅತಿಯಾದ ಸುಸ್ತು)
ಗಾಢ ಬಣ್ಣದ ಮೂತ್ರ
ಈ ಲಕ್ಷಣಗಳು ಹಲವು ವಾರಗಳವರೆಗೆ ಮುಂದುವರೆಯಬಹುದು. ಕೆಲವು ಪ್ರಕರಣಗಳಲ್ಲಿ, ಅಕ್ಯೂಟ್ ಹೆಪಾಟೈಟಿಸ್ ಸಮಸ್ಯೆಯು ಅಕ್ಯೂಟ್ ಲಿವರ್ ಫೇಲ್ಯೂರ್ ಗೆ ತಿರುಗಬಹುದು, ಇದು ಜೀವಕ್ಕೆ ಮಾರಕವಾಗಿದೆ.

ಹೆಪಾಟೈಟಿಸ್ ಬಿ ರೋಗಕ್ಕೆ ಸಿಲುಕುವ ಅಪಾಯ ಹುಟ್ಟಿನಿಂದ ಆರಂಭವಾಗುತ್ತದೆ. ಹೆಪಾಟೈಟಿಸ್ ಬಿ ಸೋಂಕು ಉಂಟಾಗುವ ಕೆಲವು ಕಾರಣಗಳು ಈ ಕೆಳಗಿನಂತಿವೆ :
ಜನನ ಸಮಯದಲ್ಲಿ ಸೋಂಕಿತ ತಾಯಿಯಿಂದ ಮಗುವಿಗೆ (ಪೆರಿನೇಟಲ್ ಟ್ರಾನ್ಸ್ಮಿಷನ್)
ಸೋಂಕಿತ ವ್ಯಕ್ತಿಯ ರಕ್ತದ ಸಂಪರ್ಕದಿಂದ
ಸೋಂಕಿತ ವ್ಯಕ್ತಿಯೊಂದಿಗೆ ಹಲ್ಲುಜ್ಜುವ ಬ್ರಷ್ ಗಳು ಅಥವಾ ಬ್ಲೇಡ್ಗಳು ರೀತಿಯ ವಸ್ತುಗಳನ್ನು ಹಂಚಿಕೊಂಡಾಗ
ಈಗಾಗಲೇ ಸೋಂಕಿತ ವ್ಯಕ್ತಿಗೆ ಬಳಸಿದ ಸೂಜಿಗಳು, ಸಿರಿಂಜ್ ಗಳು ಮತ್ತು ರೀತಿಯ ಉಪಕರಣಗಳನ್ನು ಮತ್ತೊಮ್ಮೆ ಬೇರೆ ವ್ಯಕ್ತಿಗೆ ಬಳಸಿದಾಗ
ಸೋಂಕಿತ ವ್ಯಕ್ತಿಯೊಂದಿಗೆ ಲೈಂಗಿಕ ಸಂಪರ್ಕ
ಸ್ತನಪಾನ, ಆಲಿಂಗನ, ಕೆಮ್ಮಿದಾಗ, ಸೀನಿದಾಗ, ಕೈ ಮಿಲಾಯಿಸಿದಾಗ ಅಥವಾ ಪಾತ್ರೆಗಳು, ಆಹಾರ ಮತ್ತು ನೀರನ್ನು ಹಂಚಿಕೊಳ್ಳುವುದರಿಂದ ಸೋಂಕು ಉಂಟಾಗುವುದಿಲ್ಲ.

ಹೆಪಾಟೈಟಿಸ್ ಬಿ ಒಂದು ಸಾಂಕ್ರಾಮಿಕ ವೈರಾಣುವಿನ ಸೋಂಕಾಗಿದ್ದು ಇದು ಹೆಪಾಟೈಟಿಸ್ ಬಿ ವೈರಸ್ ನಿಂದ ಉಂಟಾಗುತ್ತದೆ. ಇದು ಲಿವರ್ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ತೀವ್ರ(ಅಲ್ಪಾವಧಿ) ಅಥವಾ ದೀರ್ಘ ಸಮಯದ ಕಾಯಿಲೆಗೆ ಕಾರಣವಾಗಿದೆ.

ಸಾಮಾನ್ಯವಾಗಿ ಮಕ್ಕಳಲ್ಲಿ ದೀರ್ಘಾವಧಿಯ ಸೋಂಕು ಕಂಡುಬರುವ ಹೆಚ್ಚಿನ ಸಾಧ್ಯತೆಗಳಿವೆ. ಅದೇ ಹೆಪಾಟೈಟಿಸ್ ಬಿ ಇರುವ ಕೇವಲ ೨-೬% ವಯಸ್ಕರು ಮಾತ್ರ ದೀರ್ಘಾವಧಿಯ ಕಾಯಿಲೆ ಅಥವಾ ಸೋಂಕನ್ನು ಹೊಂದಿರುತ್ತಾರೆ, ಮತ್ತು ಶಿಶುಗಳಲ್ಲಿ ಇದು ಶೇಖಡಾ ೯೦% ಹೆಚ್ಚಿರುತ್ತದೆ.

ಸೋಂಕು ತಗಲುವ ಎಲ್ಲರೂ ರೋಗ ಲಕ್ಷಣಗಳನ್ನು ತೋರಿಸುವುದಿಲ್ಲ ಆದರೆ ಕೆಲವರು ಸಿರೋಸಿಸ್ (ದೀರ್ಘಾವಧಿಯ ಲಿವರ್ ಕಾಯಿಲೆ) ಮತ್ತು ಜೀವಮಾರಕವಾದ ಲಿವರ್ ಕ್ಯಾನ್ಸರ್ ರೀತಿಯ ಸಮಸ್ಯೆಗಳಿಂದ ಬಳಲಬಹುದು.