ಕಾಲರಾ ರೋಗ ಮತ್ತು ಲಸಿಕೆ

ಕಾಲರಾ ಒಂದು ಅತ್ಯಂತ ತೀವ್ರ ಸ್ವರೂಪದ ರೋಗವಾಗಿದ್ದು, ಇದು ಗಂಭೀರ ಸ್ವರೂಪದ ನೀರಿನ ರೀತಿಯ ಭೇದಿಯನ್ನು ಉಂಟುಮಾಡುತ್ತದೆ.

ಕಾಲರಾ ಒಂದು ತೀವ್ರ ಸ್ವರೂಪದ ಕರುಳಿನ ಸೋಂಕಾಗಿದ್ದು ಮಲದೊಂದಿಗೆ ಕಲುಷಿತಗೊಂಡ ಆಹಾರ ಅಥವಾ ನೀರಿನ ಮೂಲಕ ಹರಡುತ್ತದೆ, ಕಾಲರಾ ಬ್ಯಾಕ್ಟೀರಿಯಾ(ವಿಬ್ರಿಯೋ ಕಾಲರೇ) ವ್ಯಕ್ತಿಯ ಕರಳುಗಳಲ್ಲಿ ಸೋಂಕನ್ನು ಉಂಟುಮಾಡಿ ಅತಿಸಾರ ಭೇದಿ, ವಾಂತಿ ಮತ್ತು ನಿರಂತರ ದ್ರವಗಳ ನಷ್ಟಕ್ಕೆ ಕಾರಣವಾಗುತ್ತದೆ. ಚಿಕಿತ್ಸೆ ಇಲ್ಲದ ತೀವ್ರ ಪ್ರಕರಣಗಳಲ್ಲಿ, ಇದು ನಿರ್ಜಲೀಕರಣ ಉಂಟುಮಾಡುತ್ತದೆ, ಪರಿಣಾಮವಾಗಿ ರೋಗಿಗೆ ಆಘಾತ ಉಂಟಾಗಿ ಸಾವು ಸಂಭವಿಸಬಹುದು.

ಮಲದಲ್ಲಿ ಕಂಡುಬರುವ ವಿಬ್ರಿಯೋ ಕಾಲರೇ ಬ್ಯಾಕ್ಟೀರಿಯಂನೊಂದಿಗೆ ಕಲುಷಿತಗೊಂಡ ನೀರು ಅಥವಾ ಆಹಾರವನ್ನು ಸೇವನೆ ಮಾಡಿದಾಗ ಕಾಲರಾ ಉಂಟಾಗುತ್ತದೆ.

ಇದು ಕೆಳಗಿನ ವಿಧಾನಗಳಲ್ಲಿ ಹರಡುತ್ತದೆ:

• ಸೋಂಕಿತ ವ್ಯಕ್ತಿಯ ಮಲದೊಂದಿಗೆ ಸಂಪರ್ಕಕ್ಕೆ ಬಂದಾಗ
• ವಿಬ್ರಿಯೋ ಕಾಲರೇ ಬ್ಯಾಕ್ಟೀರಿಯಂ ಮಲದೊಂದಿಗೆ ಕಲುಷಿತಗೊಂಡ ನೀರು ಅಥವಾ ಆಹಾರವನ್ನು ಸೇವನೆ ಮಾಡಿದಾಗ

ಕಲುಷಿತ ನೀರು ಅಥವಾ ಆಹಾರವನ್ನು ಸೇವನೆ ಮಾಡಿದ 12 ಗಂಟೆಗಳಿಂದ 5 ದಿನಗಳ ನಡುವೆ ಲಕ್ಷಣಗಳು ಕಾಣಿಸಿಕೊಳ್ಳಬಹುದು. ಇದರ ಸಾಮಾನ್ಯ ಲಕ್ಷಣಗಳೆಂದರೆ:

• ಅತಿಯಾದ ನೀರು ಭೇದಿ
• ನಿರ್ಜಲೀಕರಣ
• ವಾಂತಿ
• ದ್ರವ ನಷ್ಟ
• ಕಾಲುಗಳ ಸೆಳೆತ
• ಆಘಾತ

ಸೌಮ್ಯ ಭೇದಿ ಮತ್ತು ನಿರ್ಜಲೀಕರಣದ ಜೊತೆಗೆ ಲಕ್ಷಣಗಳು ಸಾಮಾನ್ಯವಾಗಿ ಸೌಮ್ಯ ಅಥವಾ ಮಧ್ಯಮ ರೂಪದ್ದಾಗಿರಬಹುದು. ಆದರೆ ತೀವ್ರ ಸ್ವರೂಪಗಳಲ್ಲಿ, ವ್ಯಕ್ತಿಯು ಈ ಕೆಳಗಿನವುಗಳನ್ನು ಅನುಭವಿಸಬಹುದು:

• ರಕ್ತದಲ್ಲಿ ಕಡಿಮೆ ಸಕ್ಕರೆ ಮಟ್ಟ: ಮಕ್ಕಳ ರಕ್ತದಲ್ಲಿ ಸಕ್ಕರೆ ಮಟ್ಟ ಕಡಿಮೆಯಾಗುವ ಅಪಾಯವಿದ್ದು, ಇದರಿಂದ ಪ್ರಜ್ಞಾಹೀನ ಸ್ಥಿತಿ, ಮೂರ್ಛೆ ಉಂಟಾಗಿ ಸಾವು ಸಂಭವಿಸಬಹುದು.
• ಮೂತ್ರಪಿಂಡ ವೈಫಲ್ಯ: ಕಾಲರಾ ರೋಗದ ಪರಿಣಾಮವಾಗಿ ದೇಹದಿಂದ ದ್ರವಗಳ ನಷ್ಟ ಸಂಭವಿಸಿ ದೇಹದಲ್ಲಿ ತ್ಯಾಜ್ಯ ವಸ್ತುಗಳು ಶೇಖರಣೆಗೊಂಡು ಮಾರಣಾಂತಿಕ ಲಕ್ಷಣಗಳು ಉಂಟಾಗುತ್ತವೆ.
• ಕಡಿಮೆ ಪೊಟ್ಯಾಸಿಯಂ ಮಟ್ಟ: ಕಾಲರಾ ಪರಿಣಾಮವಾಗಿ ದೇಹದಲ್ಲಿನ ದ್ರವಗಳು ಮತ್ತು ಪೊಟ್ಯಾಸಿಯಂ ರೀತಿಯ ಖನಿಜಗಳನ್ನು ಒಳಗೊಂಡಂತೆ ಎಲೆಕ್ಟ್ರೋಲೈಟುಗಳ ಪ್ರಮಾಣ ಬಹಳ ವೇಗವಾಗಿ ತಗ್ಗುತ್ತದೆ.

ಒಂದು ವರ್ಷಕ್ಕಿಂತ ಮೇಲ್ಪಟ್ಟ ಮಕ್ಕಳು ಕಾಲರಾ ಲಸಿಕೆಯನ್ನು ಮೌಖಿಕವಾಗಿ ತೆಗೆದುಕೊಳ್ಳಬಹುದು.

ಮೌಖಿಕ ಕಾಲರಾ ಲಸಿಕೆಯು ಕನಿಷ್ಠ ಎರಡು ವಾರಗಳಿಗೊಮ್ಮೆ ನೀಡಬಹುದಾದ ಎರಡು-ಡೋಸ್ ಗಳ ಲಸಿಕೆಯಾಗಿದೆ.

ಅದಾಗಿಯೂ, ಹೆಚ್ಚಿನ ಮಾಹಿತಿಗಾಗಿ ನೀವು ನಿಮ್ಮ ವೈದ್ಯರನ್ನು ಭೇಟಿ ಮಾಡಿ.

ಕಾಲರಾ ಲಸಿಕೆಯ ಸಂಭಾವ್ಯ ಅಡ್ಡ ಪರಿಣಾಮಗಳು:

• ಜ್ವರ
• ಹೊಟ್ಟೆ ನೋವು
• ವಾಂತಿ
• ಕೆಮ್ಮು
• ದದ್ದು ಗಳು
• ನವೆ
• ಆಯಾಸ
• ತಲೆ ಸುತ್ತು
• ವಾಕರಿಕೆ
• ಬಾಯಿ

ಹೆಚ್ಚಿನ ಅಡ್ಡಪರಿಣಾಮಗಳು ಸಾಮಾನ್ಯವಾಗಿವೆ ಮತ್ತು ಕ್ರಮೇಣವಾಗಿ ಕಡಿಮೆಯಾಗುತ್ತದೆ.