You are now leaving GSK’s website and are going to a website that is not operated/controlled by GSK. Though we feel it could be useful to you,we are not responsible for the content/service or availability of linked sites. You are therefore mindful of these risks and have decided to go ahead.
Agree Agree Agree Stay
ಎಚ್ಪಿವಿ ಎಂದರೆ ಹ್ಯೂಮನ್ ಪ್ಯಾಪಿಲ್ಲೋಮ ವೈರಸ್ ಇದು ಗರ್ಭಕಂಠದ ಕ್ಯಾನ್ಸರ್ ಒಳಗೊಂಡಂತೆ ಕೆಲವು ನಿರ್ದಿಷ್ಟ ರೀತಿಯ ಕ್ಯಾನ್ಸರ್ ಗೆ ಕಾರಣವಾಗಿದೆ. ಎಚ್ಪಿವಿ ಲಸಿಕೆ(ವ್ಯಾಕ್ಸಿನೇಷನ್) ಅಥವಾ ಗರ್ಭಕಂಠದ ಕ್ಯಾನ್ಸರ್ ಲಸಿಕೆ ಮತ್ತು ನಿಯಮಿತ ತಪಾಸಣೆಯು ಈ ಕ್ಯಾನ್ಸರ್ ಗಳನ್ನು ತಡೆಗಟ್ಟಲು ಬಹಳ ಪರಿಣಾಮಕಾರಿಯಾಗಿದೆ.
ಒಂದುವೇಳೆ ನೀವು ಯಾವುದೇ ಲಸಿಕೆಗಳನ್ನು ನಿರ್ದಿಷ್ಟ ಸಮಯದಲ್ಲಿ ಹಾಕಿಸುವುದನ್ನು ಮರೆತಾಗ ಕ್ಯಾಚ್ ಅಪ್ ಲಸಿಕೆ(ವ್ಯಾಕ್ಸಿನೇಷನ್) ಗಾಗಿ ನಿಮ್ಮ ವೈದ್ಯರನ್ನು ಭೇಟಿಮಾಡಿ.
ಗರ್ಭಕಂಠದ ಕ್ಯಾನ್ಸರ್ ಲಸಿಕೆಯ(ವ್ಯಾಕ್ಸಿನೇಷನ್) ಕುರಿತು ನಿಮ್ಮ ವೈದ್ಯರೊಂದಿಗೆ ಇಂದೇ ಮಾತನಾಡಿ.
ಗರ್ಭಕಂಠದ ಕ್ಯಾನ್ಸರ್ ಗಾಗಿ ಎಚ್ಪಿವಿ ಲಸಿಕೆಯ ಸಾಮಾನ್ಯ ಗಮನಿಸಲಾದ ಸಂಭಾವ್ಯ ಅಡ್ಡ ಪರಿಣಾಮಗಳೆಂದರೆ:
ಸೂಜಿ ಹಾಕಿಸಿದ ಜಾಗದಲ್ಲಿ ಚರ್ಮ ಕೆಂಪಗಾಗುವುದು ಮತ್ತು ನೋವು ಇರುವುದು
ಜ್ವರ
ತಲೆ ಸುತ್ತು
ವಾಕರಿಕೆ
ಸ್ನಾಯು ಅಥವಾ ಕೀಲುಗಳ ನೋವು
ಅಡ್ಡಪರಿಣಾಮಗಳ ಕುರಿತು ಹೆಚ್ಚು ತಿಳಿದುಕೊಳ್ಳಲು ನಿಮ್ಮ ವೈದ್ಯರನ್ನು ಭೇಟಿಯಾಗಿ.
ನಿಮ್ಮ ಮಗು ಇವುಗಳನ್ನು ಪಡೆಯಬೇಕು:
9 ರಿಂದ 14 ವರ್ಷಗಳ ನಡುವೆ 6 ತಿಂಗಳ ಅಂತರದಲ್ಲಿ 2 ಡೋಸ್ ಗಳು
3 ಡೋಸ್ (0, 1-2 ಮತ್ತು 6 ತಿಂಗಳು) 15 ವರ್ಷಗಳು ಅಥವಾ ಮೇಲ್ಪಟ್ಟು ಮತ್ತು ಇಮ್ಯುನೊಕೊಂಪ್ರೊಮೈಸ್ಡ್
ಅದಾಗಿಯೂ, ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ವೈದ್ಯರನ್ನು ಒಮ್ಮೆ ಭೇಟಿಮಾಡಿ.
ಕ್ಯಾನ್ಸರ್ ಪೂರ್ವ ಗುಳ್ಳೆಗಳು ಗರ್ಭಕಂಠದ ಕ್ಯಾನ್ಸರ್ ನ ಲಕ್ಷಣಗಳು ಆಗಿರಬಹುದು. ಇದನ್ನು ಹೊರತು ಪಡಿಸಿ, ಗರ್ಭಕಂಠದ ಕ್ಯಾನ್ಸರ್ ನ ಆರಂಭಿಕ ರೋಗಲಕ್ಷಣಗಳೆಂದರೆ:
ತಿಂಗಳ ಮುಟ್ಟಿನ ನಡುವೆ ಸ್ಪಾಟಿಂಗ್ ಅಥವಾ ಸ್ವಲ್ಪ ಪ್ರಮಾಣದಲ್ಲಿ ರಕ್ತ ಸ್ರಾವ ಕಂಡುಬರುವುದು
ಯೋನಿಯಿಂದ ಅಧಿಕ, ಅನಿಯಮಿತ ಮತ್ತು ದುರ್ಗಂಧವಿರುವ ಸ್ರಾವ ಕಂಡುಬರುವುದು
ಋತುಬಂಧದ ನಂತರ ಸ್ಪಾಟಿಂಗ್ ಅಥವಾ ರಕ್ತಸ್ರಾವ ಕಂಡುಬರುವುದು
ಲೈಂಗಿಕ ಸಂಭೋಗದ ನಂತರ ರಕ್ತಸ್ರಾವ ಉಂಟಾಗುವುದು
ಗರ್ಭಕಂಠದ ಕ್ಯಾನ್ಸರ್ ನಲ್ಲಿನ ಗಂಭೀರ ಸಮಸ್ಯೆಗಳೆಂದರೆ:
ಯೋನಿಯಲ್ಲಿ ದುರ್ಗಂಧದ ಸ್ರಾವ
ಯೋನಿಯಲ್ಲಿ ಅಸ್ವಸ್ಥತೆ
ಬೆನ್ನು, ಸೊಂಟ, ಒಂದು ಅಥವಾ ಎರಡೂ ಕಾಲುಗಳಲ್ಲಿ ನಿರಂತರ ನೋವು
ಒಂದು ಅಥವಾ ಎರಡೂ ಕಾಲುಗಳಲ್ಲಿ ನೋವು
ಒಂದುವೇಳೆ ಕ್ಯಾನ್ಸರ್ ಗರ್ಭಕಂಠದಿಂದ ದೇಹದ ಇತರ ಭಾಗಗಳಿಗೆ ಹರಡಿದಾಗ ಇದು ಇತರ ಲಕ್ಷಣಗಳನ್ನು ತೋರಿಸುತ್ತದೆ.
ಗರ್ಭಕಂಠದ ಕ್ಯಾನ್ಸರ್ ಸಾಂಕ್ರಾಮಿಕ ರೋಗವಲ್ಲ ಮತ್ತು ಇದು ಒಬ್ಬರಿಂದ ಮತ್ತೊಬ್ಬರಿಗೆ ಹರಡುವುದಿಲ್ಲ. ಒಂದು ನಿರ್ದಿಷ್ಟ ವಿಧದ ಎಚ್ಪಿವಿ ಇಂದ ಉಂಟಾಗುವ ಗರ್ಭಕಂಠದ ಕ್ಯಾನ್ಸರ್ ಲೈಂಗಿಕ ಸಂಪರ್ಕದಿಂದ ಹರಡುತ್ತದೆ.
ಗರ್ಭಕಂಠದ ಕ್ಯಾನ್ಸರ್ ಎಂದರೆ ಮಹಿಳೆಯ ಸಂತಾನೋತ್ಪತ್ತಿ ವ್ಯವಸ್ಥೆಯ ಭಾಗವಾಗಿರುವ ಗರ್ಭಾಶಯದ ಬಾಯಿ ಅಂದರೆ ಗರ್ಭಕಂಠದ ಭಾಗದ ಕ್ಯಾನ್ಸರ್ ಆಗಿದೆ. ಈ ಕ್ಯಾನ್ಸರ್ ಗರ್ಭಕಂಠದಿಂದ ಆರಂಭವಾಗಿ ಕ್ರಮೇಣ ದೇಹದ ಇತರ ಭಾಗಗಳಿಗೂ ಹರಡುತ್ತದೆ.
ಎಲ್ಲಾ ಮಹಿಳೆಯರೂ ಗರ್ಭಕಂಠದ ಕ್ಯಾನ್ಸರ್ ಬರುವ ಅಪಾಯದಲ್ಲಿದ್ದರೂ ಸಹ ಇದು ಸಾಮಾನ್ಯವಾಗಿ 30 ವರ್ಷದ ಮೇಲ್ಪಟ್ಟ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ.
ಪ್ರಾಥಮಿಕ ಹಂತದಲ್ಲಿ ಎಚ್ಪಿವಿ ಲಸಿಕೆ(ವ್ಯಾಕ್ಸಿನೇಷನ್) ಮೂಲಕ ಗರ್ಭಕಂಠದ ಕ್ಯಾನ್ಸರ್ ತಡೆಗಟ್ಟಬಹುದು. ಇದನ್ನು ಹೊರತುಪಡಿಸಿ, ಆರೋಗ್ಯದ ಕುರಿತು ಶಿಕ್ಷಣ ಮತ್ತು ಅರಿವನ್ನು ಪ್ರೋತ್ಸಾಹಿಸಬೇಕು. ಎರಡನೆಯ ಹಂತದಲ್ಲಿ ಇದನ್ನು ತಡೆಗಟ್ಟಲು 30 ವರ್ಷಕ್ಕಿಂತ ಮೇಲ್ಪಟ್ಟ ಮಹಿಳೆಯರಲ್ಲಿ ಎಚ್ಪಿವಿ ಪರೀಕ್ಷೆ ರೀತಿಯ ತಪಾಸಣೆಯನ್ನು ಮಾಡಿಸಬೇಕು.
ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಫಾರ್ಮಾಸ್ಯುಟಿಕಲ್ಸ್ ಲಿಮಿಟೆಡ್‌ನಿಂದ ಸಾರ್ವಜನಿಕ ಜಾಗೃತಿ ಉಪಕ್ರಮ. ಡಾ. ಅನ್ನಿ ಬೆಸೆಂಟ್ ರಸ್ತೆ, ವರ್ಲಿ, ಮುಂಬೈ 400 030, ಭಾರತ.
ಈ ಕೈಪಿಡಿಯಲ್ಲಿ ಸಿಗುವ ಮಾಹಿತಿಯು ಕೇವಲ ಸಾಮಾನ್ಯ ಜಾಗೃತಿ ಉದ್ದೇಶಗಳಿಗಾಗಿ ಮಾತ್ರ ಆಗಿರುತ್ತದೆ. ಇದರಲ್ಲಿರುವ ಯಾವುದೇ ವಿಷಯವು ವೈದ್ಯರ ಸಲಹೆಯಲ್ಲ. ಇದಕ್ಕೆ ಸಂಬಂಧಿಸಿದಂತೆ ಯಾವುದೇ ವೈದ್ಯಕೀಯ ಸಂಬಂಧಿತ ವಿಚಾರಣೆಗಳಿಗಾಗಿ, ಯಾವುದೇ ಪ್ರಶ್ನೆಗಳಿಗಾಗಿ ಅಥವಾ ಸಂದೇಹಗಳಿಗಾಗಿ ನಿಮ್ಮ ವೈದ್ಯರನ್ನು ಭೇಟಿಯಾಗಿ. ಲಸಿಕೆಗೆ ಪಟ್ಟಿ ಮಾಡಿರುವ ಕಾಯಿಲೆಗಳು ಇಲ್ಲಿ ಪೂರ್ಣವಾಗಿಲ್ಲ, ಸಂಪೂರ್ಣ ಲಸಿಕಾ ವೇಳಾಪಟ್ಟಿಗಾಗಿ ನಿಮ್ಮ ಮಗುವಿನ ವೈದ್ಯರನ್ನು ಭೇಟಿ ಮಾಡಿ. ಈ ಕೈಪಿಡಿಯಲ್ಲಿ ತೋರಿಸಲಾಗುವ ವೈದ್ಯರು ಕೇವಲ ಪ್ರಾತಿನಿಧ್ಯ ಉದ್ದೇಶಗಳಿಗಾಗಿ ಮಾತ್ರ ಮತ್ತು ವೃತ್ತಿಯಲ್ಲಿ ಒಬ್ಬ ನಟ ಆಗಿರುತ್ತಾರೆ. ರೋಗ ಪ್ರತಿನಿಧಿಸುವ ಚಿತ್ರಗಳು/ ಐಕಾನ್ ಗಳು ಮತ್ತು ಅನಿಮೇಷನ್ ಕೇವಲ ಪ್ರಾತಿನಿಧ್ಯ ಉದ್ದೇಶಗಳಿಗಾಗಿ ಮಾತ್ರ.
ನಿಮ್ಮ ಮಗುವಿನ ಮರೆತಿರುವ ಲಸಿಕೆಯನ್ನು ನೋಡಲು ಒಂದು ವಯಕ್ತಿಕಗೊಳಿಸಲಾದ ಟೈಮ್ ಲೈನ್ ರಚಿಸಿ *
MyVaccinationHub ನೊಂದಿಗೆ ನೀವು ಹೀಗೆ ಮಾಡಬಹುದು:
ನಿಮ್ಮ ಮಕ್ಕಳ ವ್ಯಾಕ್ಸಿನೇಷನ್ ದಾಖಲೆಗಳನ್ನು ಡಿಜಿಟೈಜ್ ಮಾಡಿ
ಅವರ ರಕ್ಷಣೆಯಲ್ಲಿ ಸಂಭವನೀಯ ಅಂತರವನ್ನು ಗುರುತಿಸಿ
ನೈಜ ಸಮಯದಲ್ಲಿ ಅವರ ವ್ಯಾಕ್ಸಿನೇಷನ್ಗಳನ್ನು ಟ್ರ್ಯಾಕ್ ಮಾಡಿ
ವ್ಯಾಕ್ಸಿನೇಷನ್ ಬಗ್ಗೆ ಶಿಕ್ಷಣ ಪಡೆಯಿರಿ
* [ದೇಶದ ಶಿಫಾರಸು ಮೂಲ] ಪ್ರಕಾರ
