ಪೆರ್ಟುಸಿಸ್ ರೋಗ ಮತ್ತು ವ್ಯಾಕ್ಸಿನೇಷನ್

ಪರ್ಟುಸಿಸ್ ಲಸಿಕೆ(ವ್ಯಾಕ್ಸಿನೇಷನ್) ನಿಂದ ಸೂಜಿ ಚುಚ್ಚಿದ ಜಾಗದಲ್ಲಿ ನೋವು, ಕೆಂಪಗಾಗುವುದು ಅಥವಾ ಊತ ರೀತಿಯ ಸೌಮ್ಯ ರೂಪದ ಪರಿಣಾಮಗಳು ಕಾಣಿಸಿಕೊಳ್ಳಬಹುದು.

ಒಂದುವೇಳೆ ತೀವ್ರ ಲಕ್ಷಣಗಳಿದ್ದಲ್ಲಿ, ತಕ್ಷಣವೇ ನಿಮ್ಮ ಮಕ್ಕಳ ತಜ್ಞರನ್ನು ಭೇಟಿಯಾಗಿ.

ಅಡ್ಡ ಪರಿಣಾಮಗಳ ಕುರಿತು ಹೆಚ್ಚಿನ ವಿವರಗಳಿಗಾಗಿ ದಯವಿಟ್ಟು ನಿಮ್ಮ ವೈದ್ಯರನ್ನು ಭೇಟಿಯಾಗಿ.

ಟೆಟಾನಸ್ ಮತ್ತು ಪರ್ಟುಸಿಸ್ ಜೊತೆಗೆ ಸಂಯೋಜನೆಯಾಗಿರುವ ಡಿಫ್ತಿರಿಯಾ ಲಸಿಕೆಯು ಇತರ ಎರಡು ರೋಗಗಳನ್ನು ಒಳಗೊಂಡಂತೆ ಡಿಫ್ತಿರಿಯಾ ವಿರುದ್ಧ ಮಕ್ಕಳಿಗೆ ರಕ್ಷಣೆಯನ್ನು ನೀಡುತ್ತದೆ.
ಇಂಡಿಯನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್(ಐಎಪಿ), ಲಸಿಕೆಗಳು ಮತ್ತು ಇಮ್ಮ್ಯೂನೈಸೇಷನ್ ಅಭ್ಯಾಸಗಳ ಸಲಹಾ ಸಮಿತಿಯ ಪ್ರಕಾರ ಈ ಲಸಿಕೆಯನ್ನು 3 ಡೋಸ್ ಗಳಲ್ಲಿ ಕೆಳಗಿನ ವಯಸ್ಸಿನಲ್ಲಿ ನೀಡಲಾಗುತ್ತದೆ:

6 ವಾರಗಳು
10 ವಾರಗಳು
14 ವಾರಗಳು

ಇದೇ ರೀತಿಯಾಗಿ, ಬೂಸ್ಟರ್ ಡೋಸ್ ಗಳನ್ನು 16-18 ತಿಂಗಳಲ್ಲಿ ಮತ್ತು 4-6 ವರ್ಷಗಳಲ್ಲಿ ನೀಡಲಾಗುತ್ತದೆ.

10-12 ವರ್ಷಗಳಲ್ಲಿ ಟಿಡ್ಯಾಪ್ (ಕಡಿಮೆಯಾದ ಪ್ರತಿಜನಕ ಸಂಯೋಜಿತ ಟೆಟನಸ್, ಡಿಫ್ತಿರಿಯಾ ಮತ್ತು ಎಸೆಲ್ಯುಲರ್ ಪೆರ್ಟುಸಿಸ್).

ವಯಸ್ಕರಿಗೂ ಸಹ ಬೂಸ್ಟರ್ ಡೋಸ್‌ಗಳು (ಟಿಡ್ಯಾಪ್) ಅಗತ್ಯವಿದೆ.

ಹೆಚ್ಚಿನ ಮಾಹಿತಿಗಾಗಿ ದಯವಿಟ್ಟು ನಿಮ್ಮ ಮಕ್ಕಳ ವೈದ್ಯರನ್ನು ಸಂಪರ್ಕಿಸಿ.

ಅದಾಗಿಯೂ ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

ಪರ್ಟುಸಿಸ್ ಲಕ್ಷಣಗಳು ಸಾಮಾನ್ಯವಾಗಿ ಸೋಂಕಿಗೆ ಒಳಪಟ್ಟ 5-10 ದಿನಗಳ ನಂತರ ಆರಂಭವಾಗುತ್ತದೆ. ಕೆಲವು ಪ್ರಕರಣಗಳಲ್ಲಿ 3 ವಾರಗಳವರೆಗೆ ಲಕ್ಷಣಗಳು ಕಂಡುಬರುವುದಿಲ್ಲ.

ಪರ್ಟುಸಿಸ್ ಆರಂಭಿಕ ಲಕ್ಷಣಗಳು ಸಾಮಾನ್ಯ ನೆಗಡಿಯ ರೀತಿಯಲ್ಲಿ ಕಾಣಿಸಿಕೊಳ್ಳಬಹುದು. ಇವು 1 ರಿಂದ 2 ವಾರಗಳವರೆಗೆ ಇರಬಹುದು. ಸಿಡಿಸಿ ಪ್ರಕಾರವಾಗಿ, ಕೆಲವು ಸಾಮಾನ್ಯ ಲಕ್ಷಣಗಳೆಂದರೆ:

ಮೂಗು ಸೋರುವುದು

ಸ್ವಲ್ಪ ಜ್ವರ

ಸೌಮ್ಯರೂಪದ ಮತ್ತು ಆಗಾಗ್ಗೆ ಕೆಮ್ಮು ಬರುವುದು

ಆಪ್ನಿಯಾ - ಮಲಗಿದ್ದಾಗ ಉಸಿರಾಟದ ಸಮಸ್ಯೆಗಳು (ವಿಶೇಷವಾಗಿ ಶಿಶುಗಳಲ್ಲಿ)

ಮುಂದಿನ ಹಂತದಲ್ಲಿ ಈ ಕೆಳಗಿನ ಲಕ್ಷಣಗಳು ತೋರಬಹುದು:

ವೂಫ್ ಶಬ್ದ ಇರುವ ತ್ವರಿತ ಕೆಮ್ಮು (ಪ್ಯಾರೊಕ್ಸಿಸಮ್ಗಳು)

ವಾಂತಿ

ಕೆಮ್ಮಿದ ನಂತರ ವಿಪರೀತ ಆಯಾಸ

ಕೆಮ್ಮು ಕನಿಷ್ಠ 10 ವಾರಗಳವರೆಗೆ ಮುಂದುವರೆಯಬಹುದು. ಕೆಮ್ಮು ಕಡಿಮೆಯಾಗುತ್ತಾ ಮತ್ತು ಸೌಮ್ಯವಾಗಿ ಬರುವುದು ಚೇತರಿಕೆಯ ಚಿನ್ಹೆಯಾಗಿರುತ್ತದೆ

ಶಿಶುಗಳಲ್ಲಿ ಮತ್ತು ಮಕ್ಕಳಲ್ಲಿ ನ್ಯೂಮೋನಿಯಾ ಬಹಳ ಸಾಮಾನ್ಯ ಆದರೆ ಮೂರ್ಛೆರೋಗ ಮತ್ತು ಮೆದುಳಿನ ರೋಗಗಳು ಅಪರೂಪವಾಗಿ ಉಂಟಾಗಬಹುದು.

ಪರ್ಟುಸಿಸ್ ಒಂದು ಸಾಂಕ್ರಾಮಿಕ ರೋಗವಾಗಿದ್ದು ಇದು ಶ್ವಾಸಕೋಶದ ಕಣಗಳ ಮೂಲಕ ಅಥವಾ ಅವರೊಂದಿಗೆ ಒಂದೇ ಸ್ಥಳವನ್ನು ಹಂಚಿಕೊಂಡಾಗ ಒಬ್ಬ ವ್ಯಕ್ತಿಯಿಂದ ಮತೊಬ್ಬರಿಗೆ ಹರಡುತ್ತದೆ. ಇದು ಸಾಮಾನ್ಯವಾಗಿ ಕೆಮ್ಮಿದಾಗ, ಸೀನಿದಾಗ ಅಥವಾ ಹತ್ತಿರದ ನೇರ ಸಂಪರ್ಕದಿಂದ ಉಂಟಾಗಬಹುದು. ಕೆಮ್ಮು ಶುರುವಾದ 2 ವಾರಗಳವರೆಗೆ ಸೋಂಕಿತ ವ್ಯಕ್ತಿಯು ಇತರರಿಗೆ ರೋಗವನ್ನು ಹರಡಬಹುದು.

ಶಿಶುಗಳಿಗೆ ನೋಡಲು ಬಂದ ಆರೈಕೆದಾರರು, ಪೋಷಕರು ಮತ್ತು ಸಂಬಂಧಿಗಳು ರೀತಿಯ ಜನರ ನೇರ ಸಂಪರ್ಕದಿಂದ ಶಿಶುಗಳಲ್ಲಿ ಬರಬಹುದು. ಇವೆಲ್ಲರೂ ಯಾವುದೇ ಲಕ್ಷಣಗಳನ್ನು ಹೊಂದಿರದೇ ಇರಬಹುದು.

ಪರ್ಟುಸಿಸ್ ಒಂದು ಶ್ವಾಸಕೋಶದ ಸೋಂಕಾಗಿದ್ದು ಇದು ಬೋರ್ಡಿಟೆಲ್ಲಾ ಪರ್ಟುಸಿಸ್ ನಿಂದ ಉಂಟಾಗುತ್ತದೆ. ಈ ರೋಗವು ಅತ್ಯಧಿಕ ಸಾಂಕ್ರಾಮಿಕವಾಗಿದೆ. ಬ್ಯಾಕ್ಟೀರಿಯಾ ಮೇಲ್ಭಾಗದ ಶ್ವಾಸಕೋಶದ ನಾಳದಲ್ಲಿರುವ ಕೂದಲು ರೀತಿಯ ಸಣ್ಣ ಸಣ್ಣ ವಿಸ್ತರಣೆಗಳಾದ ಸಿಲಿಯಾಯೊಂದಿಗೆ ಅಂಟಿಕೊಳ್ಳುತ್ತದೆ. ಹೀಗೆ ಇದು ಸಿಲಿಯಾ ಹಾನಿಗೊಳಿಸುವ ವಿಷಕಾರಕಗಳನ್ನು ಬಿಡುಗಡೆಗೊಳಿಸುತ್ತದೆ.

ಸೋಂಕಿರುವ ವ್ಯಕ್ತಿಗೆ ವಿಪರೀತ ಕೆಮ್ಮು ಇರುತ್ತದೆ ಮತ್ತು ಉಸಿರಾಡಲು ಕಷ್ಟವಾಗುತ್ತದೆ. ಸೋಂಕು ಶಿಶುಗಳಲ್ಲಿ ಮಾರಣಾಂತಿಕವಾಗಬಹುದು.